Gujarat Heatwave: કાળઝાળ ગરમી માટે તૈયાર રહો, ગુજરાતમાં આગામી 6 દિવસ સુધી હીટવેવની આગાહી

Gujarat Heatwave: કાળઝાળ ગરમી માટે તૈયાર રહો, ગુજરાતમાં આગામી 6 દિવસ સુધી હીટવેવની આગાહી

પ્રતિકાત્મક તસવીર

ગુજરાતમાં હવામાન વિભાગ દ્વારા કાળઝાળ ગરમી અને હીટવેવને લઈ આગાહી કરવામાં આવી છે. ગુજરાતમાં આગામી 6 દિવસ સુધી હીટવેવની આગાહી કરવામાં આવી છે. 4 એપ્રિલથી 9 એપ્રિલ સુધી હીટવેવની આગાહી કરાઈ છે.

હવામાન વિભાગના જણાવ્યા અનુસાર, સૌરાષ્ટ્ર, કચ્છ, ઉતર ગુજરાતમાં હીટવેવની આગાહી કરવામાં આવી છે. 4 અને 5 એપ્રિલના રોજ કચ્છ જિલ્લામાં ઓરેન્જ એલર્ટ આપવામાં આવ્યું છે.

સૌરાષ્ટ્રમાં પણ ગરમીનો પારો ઉંચકાશે. રાજકોટ જિલ્લામાં યલો એલર્ટ આપવામાં આવ્યું છે. 6 એપ્રિલના રોજ કચ્છ અને રાજકોટ જિલ્લામાં ઓરેન્જ એલર્ટ આપવામાં આવ્યું છે.

બનાસકાંઠા,સાબરકાંઠા,ગાંધીનગર,મહેસાણા,પાટણ,મોરબી,જુનાગઢ યલો એલર્ટ આપવામાં આવ્યું છે. 7 એપ્રિલના રોજ કચ્છ,રાજકોટ,પોરબંદર જિલ્લામાં ઓરેન્જ એલર્ટ અપાયું છે.

બનાસકાંઠા,સાબરકાંઠા,મહેસાણા,પાટણ,જુનાગઢ,મોરબી જિલ્લામાં યલો એલર્ટ અપાયું છે. એપ્રિલ મહિનાની શરુઆત સાથે જ કાળઝાળ ગરમીની શરુઆત થઈ ગઈ છે.

8 એપ્રિલના રોજ કચ્છ ,રાજકોટ, પોરબંદર જિલ્લામાં ઓરેન્જ એલર્ટ હવામાન વિભાગે આપ્યું છે. બનાસકાંઠા પાટણ, મહેસાણા,ગાંધીનગર,મોરબી,પોરબંદર જૂનાગઢ યલો એલર્ટ જાહેર કરાયું છે.

9 એપ્રિલ કચ્છ, રાજકોટ ઓરેન્જ એલર્ટ આપવામાં આવ્યું છે. બનાસકાંઠા પાટણ,મહેસાણા,ગાંધીનગર, પોરબંદર,ગાંધીનગર યલો એલર્ટ આપવામાં આવ્યું છે.

કચ્છ જિલ્લામાં ઉચ્ચતમ તાપમાન 40 થી 42 ડિગ્રી રહેશે. અમદાવાદ જિલ્લામાં 40 ડિગ્રી આસપાસ તાપમાન રહેશે. રાજસ્થાન, મધ્યપ્રદેશ, મહારાષ્ટ્રમાં 3 સિસ્ટમ સક્રિય થતા ગરમીનો પારો ઉંચકાયો છે.