Gujarat Rain: આગામી 24 કલાકમાં રાજ્યના આ વિસ્તારમાં ગાજવીજ સાથે વરસાદ તૂટી પડશે, યલો એલર્ટ જાહેર

Gujarat Rain Alert: વલસાડ, નવસારી અને ડાંગ સહિત દક્ષિણ ગુજરાતમાં ભારે વરસાદની શક્યતા, જ્યારે નવરાત્રીમાં પણ ખેલૈયાઓને સાચવવું પડશે.

Gujarat Weather Alert: ગુજરાતમાં ચોમાસાની ઋતુ તેના અંતિમ તબક્કામાં છે, પરંતુ હવામાન વિભાગે આગામી 24 કલાકમાં દક્ષિણ ગુજરાતના કેટલાક વિસ્તારોમાં ભારે વરસાદની આગાહી કરી છે.

Gujarat Rain: વલસાડ, નવસારી, તાપી, ડાંગ, દમણ અને દાદરા અને નગર હવેલી માટે યેલો અલર્ટ જાહેર કરવામાં આવ્યું છે. જ્યારે રાજ્યના અન્ય જિલ્લાઓમાં હળવાથી મધ્યમ વરસાદ પડી શકે છે. આ ઉપરાંત, આગામી નવરાત્રીના તહેવાર દરમિયાન પણ હળવા વરસાદની શક્યતા રહેલી છે, જે ખેલૈયાઓની મજા બગાડી શકે છે.

હવામાન વિભાગના જણાવ્યા મુજબ, આગામી 24 કલાકમાં દક્ષિણ ગુજરાતમાં સક્રિય ચોમાસાને કારણે ભારે વરસાદ પડી શકે છે. આ વિસ્તારોમાં યેલો અલર્ટ જાહેર કરવામાં આવ્યું છે, જેમાં મુખ્યત્વે વલસાડ, નવસારી, તાપી, ડાંગ, દમણ અને દાદરા અને નગર હવેલીનો સમાવેશ થાય છે. અહીંના વાતાવરણમાં અસ્થિરતાને કારણે છૂટાછવાયા વિસ્તારોમાં જોરદાર વરસાદ જોવા મળી શકે છે. જોકે, આ વરસાદ સાર્વત્રિક રહેશે નહીં.

દક્ષિણ ગુજરાત સિવાય રાજ્યના અન્ય જિલ્લાઓમાં હળવાથી મધ્યમ વરસાદની શક્યતા છે. અમદાવાદમાં વાદળછાયું વાતાવરણ રહેશે અને સામાન્ય વરસાદ પડી શકે છે. આ ઉપરાંત, ઉત્તર ગુજરાત, મધ્ય ગુજરાત, સૌરાષ્ટ્ર અને કચ્છના કેટલાક વિસ્તારોમાં પણ છૂટાછવાયા ઝાપટાં પડી શકે છે. હવામાન નિષ્ણાતો નું કહેવું છે કે આ ચોમાસાનો છેલ્લો તબક્કો છે.

ચોમાસાની ઋતુ હવે ધીમે ધીમે પૂર્ણ થઈ રહી છે, પરંતુ તેની અસર આગામી તહેવાર પર પણ જોવા મળી શકે છે. હવામાન વિભાગના અનુમાન મુજબ, નવરાત્રી દરમિયાન હળવા વરસાદની શક્યતા છે, જે ગરબા રસિકો અને ખેલૈયાઓની મજા બગાડી શકે છે.

જોકે, આ વરસાદની તીવ્રતા ઓછી રહેવાની અપેક્ષા છે. આમ, ગુજરાતમાં ચોમાસું વિદાય લેતા પહેલા છેલ્લી ઇનિંગ્સ રમી રહ્યું છે, પરંતુ તે પછી પણ વાતાવરણ સંપૂર્ણપણે સૂકું રહેવાની શક્યતા ઓછી છે.