ખતરાની ઘંટી! ગુજરાતના આ જિલ્લાઓમાં 3 કલાકમાં ભારે વરસાદ, IMD એ જાહેર કર્યું ‘રેડ એલર્ટ’!

Gujarat Rain Alert: રાજ્યના અનેક વિસ્તારોમાં ગાજવીજ સાથે હળવાથી મધ્યમ વરસાદની શક્યતા, નાગરિકોને સાવચેત રહેવા સૂચના.

Gujarat Rain: ભારતીય હવામાન વિભાગ (IMD), અમદાવાદ દ્વારા આજે, 28 જુલાઈ 2025 ના રોજ સાંજે 4:00 વાગ્યે જાહેર કરાયેલ "નાઉકાસ્ટ" મુજબ, આગામી 3 કલાક દરમિયાન ગુજરાત રાજ્યના વિવિધ જિલ્લાઓમાં વરસાદની સંભાવના છે.

ખાસ કરીને પંચમહાલ, દાહોદ અને છોટાઉદેપુર જિલ્લાઓમાં 40 કિલોમીટર પ્રતિ કલાકથી ઓછી ઝડપે પવન ફૂંકાવા સાથે ભારે વરસાદ (15 mm/hr થી વધુ) અને હળવા ગાજવીજ સાથે વરસાદની શક્યતા છે, નાગરિકોને હવામાનની આ સ્થિતિને ધ્યાનમાં રાખીને જરૂરી સાવચેતી રાખવા અપીલ કરવામાં આવી છે.

ભારે વરસાદની શક્યતા (Heavy Rain): પંચમહાલ, દાહોદ અને છોટાઉદેપુર જિલ્લાઓમાં છૂટાછવાયા સ્થળોએ 15 mm/hr થી વધુ વરસાદ સાથે હળવા ગાજવીજ અને 40 કિલોમીટર પ્રતિ કલાકથી ઓછી ઝડપે પવન ફૂંકાવાની શક્યતા છે. આ જિલ્લાઓમાં હવામાન વિભાગે રેડ એલર્ટ આપ્યું છે.

મધ્યમ વરસાદની શક્યતા (Moderate Rain): નવસારી, સુરત, વલસાડ, ડાંગ, તાપી, દમણ, દાદરા અને નગર હવેલી, ભરૂચ, નર્મદા, ખેડા, આણંદ, વડોદરા અને મહીસાગર જિલ્લાઓમાં છૂટાછવાયા સ્થળોએ 5-15 mm/hr ની વચ્ચે વરસાદ સાથે હળવા ગાજવીજ અને 40 કિલોમીટર પ્રતિ કલાકથી ઓછી ઝડપે પવન ફૂંકાવાની સંભાવના છે. આ જિલ્લામાં હવામાન વિભાગે ઓરેન્જ એલર્ટ આપ્યું છે.

હળવા વરસાદની શક્યતા (Light Rain): મોરબી, સુરેન્દ્રનગર, અમદાવાદ, ગાંધીનગર, મહેસાણા, સાબરકાંઠા, અરવલ્લી, બનાસકાંઠા, પાટણ, કચ્છ, જામનગર, રાજકોટ, બોટાદ, ભાવનગર, અમરેલી, ગીર સોમનાથ, જૂનાગઢ, પોરબંદર, દેવભૂમિ દ્વારકા અને દીવ જિલ્લાઓમાં છૂટાછવાયા સ્થળોએ 5 mm/hr થી ઓછો હળવો વરસાદ થવાની સંભાવના છે. આ જિલ્લા માટે હવામાન વિભાગે યલો એલર્ટ આપ્યું છે.