આગામી 3 કલાકમાં આ જિલ્લાઓમાં ધોધમાર વરસાદ પડશે, આગાહીને પગલે ખેડૂતો અને નાગરિકો સાવધાન રહે

Gujarat Rain: ગુજરાતમાં વરસાદી માહોલ ફરી જામી રહ્યો છે. ભારતીય હવામાન વિભાગ (IMD) દ્વારા જાહેર કરાયેલા નાઉકાસ્ટ મુજબ, આગામી 3 કલાકમાં રાજ્યના મોટાભાગના વિસ્તારોમાં વરસાદ થવાની શક્યતા છે.

Gujarat Weather Today: રાજ્યમાં આગામી એક સપ્તાહ સુધી વરસાદની આગાહી કરવામાં આવી છે ત્યારે હવામાન વિભાગે આજે રાજ્યના અનેક જિલ્લાઓમાં હળવાથી ભારે વરસાદની આગાહી કરી છે.

ભારતીય હવામાન વિભાગ (IMD) દ્વારા ગુજરાત માટે આગામી 3 કલાક માટે 'નાઉકાસ્ટ' જાહેર કરવામાં આવ્યો છે. આ આગાહી મુજબ, રાજ્યના મોટાભાગના જિલ્લાઓમાં હળવાથી મધ્યમ વરસાદ થવાની સંભાવના છે, જ્યારે કેટલાક વિસ્તારોમાં હળવો વરસાદ રહેશે. આ સમયગાળા દરમિયાન પવનની ગતિ 40 કિલોમીટર પ્રતિ કલાક સુધી પહોંચી શકે છે.

હવામાન વિભાગની તાજેતરની આગાહી અનુસાર, ગુજરાતના અનેક જિલ્લાઓમાં આગામી ત્રણ કલાકમાં વરસાદ પડી શકે છે. સાબરકાંઠા, ગાંધીનગર, અરવલ્લી, જૂનાગઢ, અમરેલી, ગીર સોમનાથ, ભરૂચ, આણંદ, વડોદરા, છોટાઉદેપુર, નર્મદા, પંચમહાલ, દાહોદ, ખેડા, મહીસાગર, પાટણ, મહેસાણા, સુરત, તાપી, દ્વારકા, પોરબંદર, રાજકોટ, જામનગર, બનાસકાંઠા, અમદાવાદ અને ભાવનગરમાં મધ્યમ વરસાદની શક્યતા છે. જ્યારે કચ્છ, મોરબી, સુરેન્દ્રનગર, બોટાદ, નવસારી, વલસાડ, દમણ, દાદરા નગર હવેલી અને ડાંગ જેવા વિસ્તારોમાં હળવો વરસાદ થવાની આગાહી કરવામાં આવી છે.

નીચેના જિલ્લાઓમાં હળવાથી મધ્યમ વરસાદની સંભાવના છે, જેના કારણે સામાન્ય જનજીવન પર ઓછી અસર થવાની શક્યતા છે. આ દરમિયાન પવનની ગતિ પણ 40 કિલોમીટર પ્રતિ કલાક સુધી રહી શકે છે. ઉત્તર ગુજરાત: સાબરકાંઠા, ગાંધીનગર, અરવલ્લી, પાટણ, મહેસાણા, બનાસકાંઠા, અમદાવાદ. સૌરાષ્ટ્ર: જૂનાગઢ, અમરેલી, ગીર સોમનાથ, પોરબંદર, રાજકોટ, જામનગર, દ્વારકા, ભાવનગર. દક્ષિણ અને મધ્ય ગુજરાત: ભરૂચ, આણંદ, વડોદરા, છોટાઉદેપુર, નર્મદા, પંચમહાલ, દાહોદ, ખેડા, મહીસાગર, સુરત, તાપી.

આગામી 3 કલાકમાં નીચેના જિલ્લાઓમાં હળવો વરસાદ થવાની શક્યતા છે: કચ્છ, મોરબી, સુરેન્દ્રનગર, બોટાદ, નવસારી, વલસાડ, દમણ અને દાદરા નગર હવેલી, ડાંગ

વરસાદની આ તાત્કાલિક આગાહીને કારણે ખેડૂતો અને સામાન્ય નાગરિકોને સાવચેત રહેવા વિનંતી કરવામાં આવી છે. હવામાનમાં અચાનક થતા ફેરફારોને કારણે વાતાવરણમાં ભેજનું પ્રમાણ વધશે, જે ગરમીમાંથી થોડી રાહત આપી શકે છે. નાગરિકોને આગામી કલાકોમાં વાવાઝોડા સાથે વરસાદની શક્યતા હોવાથી સાવચેતી રાખવાની સલાહ આપવામાં આવે છે.