જૂનાગઢ માર્કેટિંગ યાર્ડમાં કેસર કેરીની આવકમાં વધારો, જાણો બોક્સનો ભાવ કેટલો છે

kesar mango prices Junagadh: આજે ત્રણ હજારથી વધુ બોક્સની આવક, ભાવ ૮૦૦ થી ૧૨૦૦ રૂપિયા સુધી પહોંચ્યા.

Junagadh mango market news: કેરીની સીઝન શરૂ થતાં જ જૂનાગઢ માર્કેટિંગ યાર્ડમાં કેસર કેરીની આવકમાં વધારો જોવા મળી રહ્યો છે.

Junagadh kesar mangoes: આજે યાર્ડમાં ત્રણ હજારથી વધુ કેસર કેરીના બોક્સની આવક થઈ છે, જેના કારણે ખેડૂતોમાં ખુશીની લહેર જોવા મળી રહી છે.

માર્કેટિંગ યાર્ડમાં આજે કેસર કેરીનો ભાવ ૮૦૦ રૂપિયાથી લઈને ૧૨૦૦ રૂપિયા પ્રતિ બોક્સ સુધી નોંધાયો હતો. વેપારીઓનું માનવું છે કે આગામી દિવસોમાં કેસર કેરીના બોક્સની આવકમાં હજુ પણ વધારો થશે, કારણ કે હવે ધીમે ધીમે કેરીની સીઝન જામી રહી છે.

જો કે, વેપારીઓનું એવું પણ માનવું છે કે દર વર્ષની સરખામણીએ આ વર્ષે કેરીની એકંદરે આવક ઓછી રહેવાની શક્યતા છે. તેમ છતાં, હાલમાં કેસર કેરીની આવકમાં થયેલો વધારો ખેડૂતો માટે રાહતના સમાચાર છે. સારા ભાવ મળવાની આશાએ ખેડૂતો મોટી સંખ્યામાં યાર્ડમાં કેરી લઈને આવી રહ્યા છે.

આજે માર્કેટિંગ યાર્ડમાં કેરીની ખરીદી માટે વેપારીઓની પણ સારી એવી ભીડ જોવા મળી હતી. કેસર કેરીની ગુણવત્તા સારી હોવાથી વેપારીઓ પણ ઉત્સાહપૂર્વક ખરીદી કરી રહ્યા છે. આગામી દિવસોમાં કેરીની આવક વધે અને ભાવ પણ સ્થિર રહે તેવી આશા ખેડૂતો અને વેપારીઓ બંને રાખી રહ્યા છે.