Gujarat Rain: 13 ઓક્ટોબર સુધી રાજ્યમાં હળવા વરસાદની હવામાન વિભાગે કરી આગાહી
Gujarat Rain: 13 ઓક્ટોબર સુધી રાજ્યમાં હળવા વરસાદની હવામાન વિભાગે કરી આગાહી
પ્રતિકાત્મક તસવીર
1/6
અમદાવાદ: 13 ઓક્ટોબર સુધી રાજ્યમાં કેટલાક સ્થળોએ હળવા વરસાદની હવામાન વિભાગે આગાહી કરી છે. હવામાન વિભાગ મુજબ શક્તિ વાવાઝોડું ડિપ્રેશનમાં ફેરવાયું છે. જો કે વેસ્ટર્ન ડિસ્ટર્બન્સને લીધે રાજ્યના કેટલાક જિલ્લામાં હળવો વરસાદ વરસી શકે છે.
2/6
આગામી 24 કલાક સૌરાષ્ટ્રના દ્વારકા, પોરબંદર, જૂનાગઢ, ગીર સોમનાથ, અમરેલી, ભાવનગર અને સંઘ પ્રદેશ દીવમાં હળવાથી મધ્યમ વરસાદ વરસી શકે છે. દક્ષિણ ગુજરાતના ભરૂચ, નર્મદા, સુરત, તાપી, નવસારી, ડાંગ, વલસાડની સાથે સંઘ પ્રદેશ દમણ અને દાદરાનગર હવેલીમાં પણ હળવો વરસાદ વરસી શકે છે.
3/6
હવામાન વિભાગ મુજબ મધ્ય ગુજરાતના વડોદરા અને છોટા ઉદેપુરમાં પણ હળવો વરસાદ વરસી શકે છે. વરસાદની શક્યતાને પગલે દરિયાકાંઠે ડીસી-1 સિગ્નલ લગાવી દેવામાં આવ્યું છે.
4/6
ત્રણ ચાર દિવસમાં ચોમાસું રાજ્યના અન્ય જિલ્લામાંથી વિદાય લઈ શકે છે. આ દરમિયાન હવામાન વિભાગે સામાન્ય વરસાદની આગાહી કરી છે.
5/6
હવામાન વિભાગે જણાવ્યું છે કે ચોમાસું રાજ્યના અન્ય જિલ્લાઓમાંથી 3-4 દિવસમાં વિદાય લઈ શકે છે, જોકે અમદાવાદમાં આજે પણ હળવા વરસાદની શક્યતા છે.
6/6
રાજ્યમાં સિઝનનો કુલ 117.88 ટકા વરસાદ નોંધાયો છે. જેમાં કચ્છમાં 148.14 ટકા, ઉત્તર ગુજરાતમાં 121.48 ટકા, પૂર્વ મધ્ય ગુજરાતમાં 116.92 ટકા, સૌરાષ્ટ્રમાં 108.40 ટકા અને દક્ષિણ ગુજરાતમાં 122.92 ટકા વરસાદ વરસ્યો છે.
Published at : 08 Oct 2025 06:25 PM (IST)