Gujarat Rain: ગુજરાતમાં ચોમાસાની એન્ટ્રી, આગામી પાંચ દિવસ સુધી આ જિલ્લાઓમાં પડશે વરસાદ

Gujarat Rain: ગુજરાતમાં ચોમાસાની એન્ટ્રી, આગામી પાંચ દિવસ સુધી આ જિલ્લાઓમાં પડશે વરસાદ

પ્રતિકાત્મક તસવીર

અમદાવાદ: ગુજરાતમાં હવે ચોમાસાની એન્ટ્રી થઈ ગઈ છે. ચોમાસાની સિઝન પણ વિધિવત શરૂ થવા જઈ રહી છે. ત્યારે હવામાન વિભાગની આગાહી પ્રમાણે 15 અને 16 જૂને ચોમાસુ સૌરાષ્ટ્ર અને દક્ષિણ ગુજરાત સુધી આવશે અને 17મીએ અમદાવાદ તેમજ મધ્ય ગુજરાતમાં વરસાદ થાય તેવી સંભાવના વ્યક્ત કરી છે.

આ દિવસોમાં મધ્યમથી ભારે વરસાદ પડી શકે છે. કેટલાક જિલ્લાઓમાં ઓરેન્જ એલર્ટ જાહેર પણ કરવામાં આવ્યું છે. રાજ્યમાં 15મી જૂને નવસારી, વલસાડ અને દમણ, દાદરા નગર હવેલીમાં અલગ અલગ સ્થળોએ ભારેથી અતિ ભારે વરસાદ પડશે.

સૌરાષ્ટ્રના અમરેલી અને ભાવનગર જિલ્લાઓમાં પણ ભારે વરસાદ પડી શકે છે. ઉત્તર ગુજરાતના અરવલ્લી, મહિસાગર, દાહોદ, નર્મદા, ભરૂચ, સુરત, ડાંગ અને તાપી તેમજ સૌરાષ્ટ્રના રાજકોટ, જૂનાગઢ અને ગીર સોમનાથ પણ વરસાદથી આગાહી કરાઈ છે.

16મી જૂને સુરત, નવસારી, વલસાડ અને દમણ, દાદરા નગર હવેલી, સૌરાષ્ટ્રના રાજકોટ, અમરેલી અને ભાવનગર જિલ્લાઓમાં ભારેથી અતિ ભારે વરસાદ પડી શકે છે. આણંદ, વડોદરા, છોટા ઉદેપુર, નર્મદા, ભરૂચ, ડાંગ અને તાપી ઉપરાંત સૌરાષ્ટ્રના જૂનાગઢ, ગીર સોમનાથ, બોટાદ અને દીવમા વરસાદની સંભાવના છે.

17મી જૂને અમદાવાદ, આણંદ, ભરૂચ, સુરત, ડાંગ, નવસારી, વલસાડ, તાપી અને દમણ, દાદરા નગર હવેલી તેમજ સૌરાષ્ટ્રના રાજકોટ, અમરેલી, ભાવનગર અને બોટાદમાં ભારે વરસાદ પડી શકે છે.

જ્યારે 18 અને 19મી જૂને દક્ષિણ ગુજરાત અને સૌરાષ્ટ્રના જિલ્લાઓ વરસાદનું અનુમાન છે. આ સમયગાળા દરમિયાન સામાન્યથી લઈ હળવો વરસાદ વરસી શકે છે.