Kheda Rain: નડિયાદમાં ભારે પવન સાથે ધોધમાર ત્રણ ઇંચ વરસાદ, અનેક વિસ્તારો પાણીમાં ગરકાવ

Kheda Rain: નડિયાદમાં ભારે પવન સાથે ધોધમાર ત્રણ ઇંચ વરસાદ, અનેક વિસ્તારો પાણીમાં ગરકાવ

નડિયાદમાં ધોધમાર વરસાદ

ખેડા: ખેડા જિલ્લામાં પણ વરસાદી માહોલ જામ્યો છે. આજે વહેલી સવારથી જ ખેડા જિલ્લામાં ધોધમાર વરસાદ વરસી રહ્યો છે. નડિયાદ શહેરમાં અત્યાર સુધીમાં ત્રણ ઇંચ જેટલો વરસાદ વરસ્યો છે.

નડિયાદ શહેરના રબારીવાડ, વીકેવી રોડ, શ્રેયસ ગરનાળા, માઈ મંદિર ગરનાળા , ખોડીયાર ગરનાળા વિસ્તારોમાં પાણી ભરાયા છે. નડિયાદના નીચાણ વાળા વિસ્તારોમાં પણ પાણી ભરાયા છે.

નડિયાદ શહેરમાં કાળા ડિંબાગ વાદળો વચ્ચે વરસાદ વરસી રહ્યો છે. વરસાદથી વિઝિબિલિટી ઘટવાના કારણે વાહન ચાલકોને વાહનો ચલાવવામાં મુશ્કેલી પડી રહી છે.

નડિયાદ અને આણંદ જિલ્લામાં વહેલી સવારથી જ વરસાદી માહોલ છે. ભારે વરસાદના કારણે ઉમરેઠથી નડિયાદને જોડતા હાઇવે ઉપર પાણી ફરી વળ્યા છે.

લાંબા વિરામ બાદ નડીયાદ શહેરમાં વરસાદી માહોલ છે. શહેરમાં અનેક વિસ્તારોમાં ભારે પવન સાથે ધોધમાર વરસાદ વરસ્યો છે. નડિયાદના ગ્રામ્ય પંથકમાં પણ વરસાદ વરસી રહ્યો છે.

ભારે વરસાદને લઈ અનેક વિસ્તારોમાં પાણી ભરાયેલા જોવા મળી રહ્યા છે. વરસાદ બંધ થઈ ગયો હોવા છતા અનેક વિસ્તારો હજુ પણ પાણીમાં ગરકાવ છે.