Gujarat Rain Alert: ગુજરાતમાં આગામી 3 કલાકમાં ભારે વરસાદનું રેડ એલર્ટ, આ બે જિલ્લામાં તબાહી મચાવશે

Gujarat Weather Alert: હવામાન વિભાગે રાજ્યના અનેક જિલ્લાઓ માટે ઓરેન્જ અને યલ્લો એલર્ટ પણ જાહેર કર્યા, જેના કારણે વાહનચાલકો અને નાગરિકોને સાવધાની રાખવા અપીલ.

Rain Alert: હવામાન વિભાગ દ્વારા આગામી 3 કલાક માટે ગુજરાતના હવામાન અંગે એક મહત્વપૂર્ણ આગાહી કરવામાં આવી છે.

રાજ્યના બે જિલ્લાઓ, કચ્છ અને બનાસકાંઠા, માટે ભારેથી અતિભારે વરસાદની શક્યતાને કારણે રેડ એલર્ટ જાહેર કરવામાં આવ્યું છે.

આ ઉપરાંત, મધ્ય, દક્ષિણ અને સૌરાષ્ટ્રના ઘણા જિલ્લાઓ માટે ઓરેન્જ અને યલ્લો એલર્ટ પણ આપવામાં આવ્યું છે, જે દર્શાવે છે કે સમગ્ર રાજ્યમાં વરસાદનું જોર યથાવત રહેશે.

હવામાન વિભાગે ગુજરાતના કેટલાક જિલ્લાઓ માટે ભારે વરસાદની આગાહી કરી છે, જેના કારણે સ્થાનિક તંત્ર એલર્ટ મોડ પર આવી ગયું છે. આગામી 3 કલાક દરમિયાન રાજ્યના કચ્છ અને બનાસકાંઠા જિલ્લામાં અત્યંત ભારે વરસાદ થવાની શક્યતા છે, જેના પરિણામે રેડ એલર્ટ જાહેર કરવામાં આવ્યું છે. આ વિસ્તારોમાં પૂર જેવી પરિસ્થિતિ સર્જાઈ શકે છે, તેથી લોકોને સાવચેત રહેવા અને સુરક્ષિત સ્થળે રહેવા માટે સૂચના આપવામાં આવી છે.

આ ઉપરાંત, ગુજરાતના અનેક વિસ્તારોમાં પણ ભારે વરસાદની સંભાવના છે, જેના કારણે ઓરેન્જ એલર્ટ જારી કરવામાં આવ્યું છે. આ એલર્ટ હેઠળ આવતા જિલ્લાઓમાં સાબરકાંઠા, અરવલ્લી, પાટણ, મહેસાણા, સુરેન્દ્રનગર, મોરબી, જામનગર, જુનાગઢ, દેવભૂમિ દ્વારકા, પોરબંદર, રાજકોટ, બોટાદ, ગાંધીનગર, અમદાવાદ, ખેડા, આણંદ, વડોદરા, ભરુચ, સુરત, નવસારી, વલસાડ, દમણ અને દાદરા અને નગરહવેલી નો સમાવેશ થાય છે. આ વિસ્તારોમાં લોકોને અનાવશ્યક પ્રવાસ ટાળવા અને સાવધાની રાખવા જણાવાયું છે.

જ્યારે, રાજ્યના અન્ય કેટલાક જિલ્લાઓ માટે યલ્લો એલર્ટ આપવામાં આવ્યું છે. જેમાં મહીસાગર, પંચમહાલ, દાહોદ, છોટા ઉદેપુર, નર્મદા, તાપી, ડાંગ, ભાવનગર, અમરેલી, ગીર-સોમનાથ અને દીવ નો સમાવેશ થાય છે. આ વિસ્તારોમાં પણ સામાન્યથી મધ્યમ વરસાદની શક્યતા છે.