Gujarat Rain: ચોમાસાની વિદાય વચ્ચે સાત દિવસ ભૂક્કા બોલાવશે વરસાદ, જાણો શું છે આગાહી

Gujarat Rain: ચોમાસાની વિદાય વચ્ચે સાત દિવસ ભૂક્કા બોલાવશે વરસાદ, જાણો શું છે આગાહી

પ્રતિકાત્મક તસવીર

અમદાવાદ: હવામાન વિભાગ દ્વારા ચોમાસાની વિદાય વચ્ચે આગામી સાત દિવસ સુધી વરસાદની આગાહી કરવામાં આવી છે. રાજ્યમાં આગામી સાત દિવસ સુધી અનેક જિલ્લાઓમાં વરસાદ ભૂક્કા બોલાવશે.

હવામાન વિભાગની વરસાદની આગાહી વચ્ચે સૌરાષ્ટ્રમાં મેઘરાજા મન મૂકીને વરસી રહ્યા છે. હવામાન વિભાગે આગાહી બે દિવસ સૌરાષ્ટ્ર અને કચ્છમાં વરસાદની આગાહી કરી છે.

વરસાદી માહોલ વચ્ચે હવામાન વિભાગે આજે રાજકોટ, જૂનાગઢ, પોરબંદર, દ્વારકા, ગીર સોમનાથ, દિવ અને કચ્છમાં છૂટાછવાયા સ્થળોએ હળવાથી લઈને ભારે વરસાદની આગાહી કરી છે.

ગુજરાતમાં વેસ્ટર્ન ડિસ્ટર્બન્સ અને લો પ્રેશર સિસ્ટમની બેવડી અસરને કારણે હજુ પણ વરસાદી માહોલ યથાવત છે. હવામાન વિભાગના જણાવ્યા અનુસાર, આગામી 24 કલાક સૌરાષ્ટ્ર-કચ્છના વિસ્તારો માટે ભારે છે.

આગામી 3 ઓક્ટોબરથી 7 ઑક્ટોબર દરમિયાન રાજ્યના છૂટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી છે. રાજ્યમાં હજુ 7 દિવસ વરસાદને લઈને હવામાન વિભાગે આગાહી કરી છે. જેમાં સૌરાષ્ટ્રના જિલ્લામાં વરસાદનું જોર જોવા મળશે.

હવામાન વિભાગે આજે સૌરાષ્ટ્ર-કચ્છના 6 જિલ્લામાં ભારે વરસાદનું યલો એલર્ટ જાહેર કર્યું છે. આ જિલ્લાઓમાં કચ્છ, મોરબી, જામનગર, દેવભૂમિ દ્વારકા, પોરબંદર અને જૂનાગઢનો સમાવેશ થાય છે. આ ઉપરાંત, મધ્ય ગુજરાતમાં અમદાવાદ સહિતના વિસ્તારોમાં સામાન્યથી મધ્યમ વરસાદની શક્યતા છે.