Gujarat Rain: રાજ્યમાં સાત દિવસ ગાજવીજ સાથે વરસાદ ભુક્કા બોલાવશે, જાણો શું છે આગાહી

Gujarat Rain: રાજ્યમાં સાત દિવસ ગાજવીજ સાથે વરસાદ ભુક્કા બોલાવશે, જાણો શું છે આગાહી

પ્રતિકાત્મક તસવીર

અમદાવાદ: ગુજરાતમાં આ વર્ષે ચોમાસી એન્ટ્રી વહેલી થઈ છે. છેલ્લા ઘણા દિવસોથી અનેક જિલ્લાઓમાં ધોધમાર વરસાદ વરસી રહ્યો છે. થન્ડર સ્ટ્રોમ એક્ટિવિટી સક્રિય થશે. જને લઈ રાજ્યમાં સાત દિવસ ગાજવીજ સાથે વરસાદ પડશે. આ આગાહી હવામાન વિભાગ દ્વારા કરવામાં આવી છે.

હવામાન વિભાગે જુલાઈ મહિનામાં સામાન્ય કરતા વધુ વરસાદ વરસવાની આગાહી વ્યક્ત કરી છે. આજે રાજ્યના 45 તાલુકામાં વરસાદ નોંધાયો. જેમાંથી વલસાડના કપરાડામાં સૌથી વધુ સાડા ત્રણ ઈંચ, ડાંગના સુબિરમાં દોઢ ઈંચ વરસાદ વરસ્યો હતો.

આવતીકાલે સાબરકાંઠા, અરવલ્લી, મહીસાગર, દાહોદ, નવસારી, વલસાડની સાથે સંઘ પ્રદેશ દમણ અને દાદરાનગર હવેલીમાં વરસાદનું ઓરેન્જ એલર્ટ જાહેર કરવામાં આવ્યું છે.

જ્યારે અમરેલી, ભાવનગર, બનાસકાંઠા, મહેસાણા, પંચમહાલ, વડોદરા, છોટા ઉદેપુર, ભરૂચ, નર્મદા, સુરત, તાપી અને ડાંગમાં વરસાદનું યલો એલર્ટ જાહેર કરવામાં આવ્યું છે.

ભારે વરસાદની આગાહીને લીધે માછીમારોને પણ દરિયો ન ખેડવા સૂચના આપવામાં આવી છે.આજે પણ અનેક જિલ્લાઓમાં વરસાદી માહોલ રહ્યો છે. દાહોદમાં પણ આજે ભારે વરસાદ વરસ્યો છે.

જુલાઇ મહિનાની શરૂઆતથી જ ભારે વરસાદની આગાહી કરવામાં આવી છે. આજે પણ રાજ્યના અનેક જિલ્લાઓમાં વરસાદ વરસ્યો છે. આવતીકાલે એટલે 2 જુલાઇના રોજથી બનાસકાંઠા, અરવલ્લી, મહીસાગર, દાહોદ, નવસારી, વલસાડ, દમણ દાદરા નગર હવેલીમાં ભારેથી અતિ ભારે વરસાદની આગાહી હવામાન વિભાગે કરી છે.