રાજ્યમાં બે વરસાદી સિસ્ટમ સક્રિય, આવતીકાલે 6 જિલ્લામાં ભુક્કા બોલાવશે વરસાદ, યલો એલર્ટ જાહેર

Gujarat Rain Alert: હવામાન વિભાગે ગુજરાત રાજ્યમાં આગામી 7 દિવસ માટે વ્યાપક વરસાદની આગાહી કરી છે.

Gujarat Weather Forecast: આજે ઉત્તર ગુજરાતમાં અતિ ભારે વરસાદની સંભાવના છે, જેમાં સાબરકાંઠા અને બનાસકાંઠા જિલ્લાઓમાં ઓરેન્જ અલર્ટ જાહેર કરવામાં આવ્યું છે.

અરવલ્લી, મહેસાણા, પાટણ અને ગાંધીનગર જિલ્લાઓમાં ભારે વરસાદ માટે યેલો અલર્ટ જાહેર કરવામાં આવ્યું છે.

આ ઉપરાંત, કચ્છ, વલસાડ, દમણ અને દાદરા નગર હવેલીમાં પણ ભારે વરસાદની આગાહી કરવામાં આવી છે.

આવતીકાલે બનાસકાંઠા, સાબરકાંઠા, અરવલ્લી, ભાવનગર, વડોદરા અને ભરૂચ જિલ્લાઓમાં યેલો અલર્ટ જાહેર કરવામાં આવ્યું છે.

હવામાન વિભાગના જણાવ્યા અનુસાર, હાલમાં રાજ્યમાં બે વરસાદી સિસ્ટમ સક્રિય છે. સાયક્લોનિક સર્ક્યુલેશન અને મોન્સુન ટ્રફના કારણે આ વરસાદી માહોલ સર્જાયો છે.

રાજ્યના પાટનગર અમદાવાદમાં હળવા વરસાદની આગાહી કરવામાં આવી છે.