Heavy Rain Alert: ગુજરાતના આ જિલ્લાઓમાં આજે ભુક્કા બોલાવશે વરસાદ, યલો એલર્ટ જાહેર

Heavy Rain Alert: ગુજરાતના આ જિલ્લાઓમાં આજે ભુક્કા બોલાવશે વરસાદ, યલો એલર્ટ જાહેર

પ્રતિકાત્મક તસવીર

Gujarat Weather : આજે 12મી જુલાઈના રોજ રાજ્યમાં વરસાદી માહોલ રહેશે. હવામાન વિભાગ દ્વારા આજે રાજ્યના અનેક જિલ્લાઓમાં ભારે વરસાદને લઈ એલર્ટ જાહેર કરવામાં આવ્યું છે. આજે પણ મેઘરાજા અનેક જિલ્લાઓમાં ધમાકેદાર બેટિંગ કરશે.

હવામાન વિભાગની આગાહી અનુસાર, રાજ્યમાં આજે નવસારી, વલસાડ, દમણ અને દાદરા નગરહવેલીમાં છૂટાછવાયા સ્થળોએ ભારે વરસાદની આગાહી કરવામાં આવી છે. આ વિસ્તારોમાં હવામાન વિભાગે યેલો એલર્ટ જાહેર કર્યું છે.

આ સિવાય અમદાવાદ અને ગાંધીનગરમાં પણ આજે વરસાદની શક્યતા છે. હવામાન વિભાગ દ્વારા અનેક જિલ્લાઓમાં સામાન્યથી લઈ ભારે વરસાદની આગાહી વ્યક્ત કરવામાં આવી છે.

હવામાન વિભાગના જણાવ્યા અનુસાર, વીજળીના કડાકા સાથે છૂટાછવાયા હળવા વરસાદની આગાહી કરવામાં આવી છે. આ ઝાપટાં ગરમી અને બફારામાંથી થોડી રાહત આપી શકે છે, પરંતુ દક્ષિણ ગુજરાતમાં ભારે વરસાદનું અનુમાન છે.

સમગ્ર રાજ્યમાં વરસાદી વાતાવરણને કારણે ખેડૂતોમાં ખુશીનો માહોલ છે, જ્યારે શહેરી વિસ્તારોમાં લોકોને પણ ગરમીમાંથી રાહત મળી રહી છે. જોકે, ભારે વરસાદની આગાહીવાળા વિસ્તારોમાં સ્થાનિક તંત્ર અને નાગરિકોને સાવચેત રહેવા અપીલ કરવામાં આવી છે.

હવામાન વિભાગની આગાહી પ્રમાણે રાજ્યમાં હવે 14 જુલાઈએ 11 જિલ્લાઓમાં ભારે વરસાદની આગાહી કરવામાં આવી છે. જ્યારે 15મી તારીખે 9 જિલ્લાઓમાં ભારે વરસાદની આગાહી કરવામાં આવી છે.