8મા પગાર પંચમાં પેન્શન કેટલું વધશે? ₹20,000, ₹30,000 અને ₹50,000 ની ગણતરી સમજો

જો સરકાર 3.83 ફિટમેન્ટ ફેક્ટરની માંગ સ્વીકારશે તો પેન્શનમાં મોટો ઉછાળો આવશે જાણો તમારું વર્તમાન પેન્શન ભવિષ્યમાં કેટલું થઈ શકે છે.

8th Pay Commission ને લઈને કામગીરી હવે તેજ ગતિએ આગળ વધી રહી છે અને ઘણા શહેરોમાં કમિશન તથા કર્મચારી યુનિયનો વચ્ચે બેઠકોનો દોર શરૂ થઈ ગયો છે. આ બેઠકો દરમિયાન કર્મચારીઓ અને પેન્શનરોએ પોતાની માંગણીઓ રજૂ કરી દીધી છે, જેના આધારે કમિશન અંતિમ અહેવાલ તૈયાર કરશે અને ત્યારબાદ કેબિનેટ પગાર-પેન્શન વધારા અંગે નિર્ણય લેશે.

પેન્શનમાં થતો વાસ્તવિક વધારો સંપૂર્ણપણે Fitment Factor પર આધાર રાખે છે. 7th Pay Commission ના નિયમો મુજબ હાલમાં નિવૃત્ત કર્મચારીઓ માટે લઘુત્તમ મૂળભૂત પેન્શન દર મહિને Rs 9,000 છે, જેને અનેકગણું વધારવા માટે યુનિયનો દ્વારા રજૂઆત કરવામાં આવી રહી છે.

નેશનલ કાઉન્સિલ-જેસીએમ (NC-JCM) ના સ્ટાફ પક્ષે સરકાર પાસે 3.83 Fitment Factor લાગુ કરવાની જોરદાર માંગ કરી છે. જો સરકાર આ માંગણી સ્વીકારી લેશે, તો પેન્શનરોને મળતી માસિક રકમમાં સીધો 3.83 ગણો વધારો થઈ જશે.

જો 3.83 Fitment Factor મુજબ ગણતરી કરવામાં આવે, તો જેમનું વર્તમાન પેન્શન Rs 9,000 છે, તેમનું પેન્શન વધીને સીધું Rs 34,470 થઈ શકે છે. જ્યારે અત્યારે Rs 10,000 પેન્શન મેળવનારાઓને ભવિષ્યમાં Rs 38,300 સુધીની રકમ મળશે.

મધ્યમ સ્તરનું પેન્શન મેળવતા નિવૃત્ત કર્મચારીઓ માટે પણ આ નિર્ણય ફાયદાકારક સાબિત થશે. હાલમાં જે કર્મચારીઓને Rs 20,000 પેન્શન મળે છે, 8th Pay Commission લાગુ થતાં તેમનું પેન્શન સીધું Rs 76,600 ના સ્તરે પહોંચી જશે.

ઉંચુ પેન્શન ધરાવતા નિવૃત્ત કર્મચારીઓને આ ફિટમેન્ટ ફેક્ટરથી સૌથી મોટો ફાયદો થશે. જે પેન્શનરોનું વર્તમાન પેન્શન Rs 30,000 છે તે વધીને Rs 1,14,900 થઈ જશે અને Rs 40,000 પેન્શન મેળવનારાઓનું પેન્શન Rs 1,53,200 સુધી વધી શકે છે.

Continues below advertisement

ઉચ્ચ હોદ્દા પરથી નિવૃત્ત થયેલા કર્મચારીઓ જેમનું હાલનું પેન્શન Rs 50,000 છે, તેમને 3.83 ના ફિટમેન્ટ ફેક્ટર મુજબ ભવિષ્યમાં દર મહિને Rs 1,91,500 સુધીનું પેન્શન મળી શકે છે.

જો 8th Pay Commission કર્મચારી યુનિયનોની માંગણીઓ મુજબ લાગુ થશે, તો લાખો નિવૃત્ત કર્મચારીઓ અને પેન્શનરો માટે તે એક મોટો આર્થિક લાભ અને મોટી રાહત લઈને આવશે.