Cold Wave: શું હોય છે કૉલ્ડ-વેવ, શું આની ઝપેટમાં આવવાથી થઇ શકે છે મોત ?

તમે ક્યારેય વિચાર્યું છે કે કૉલ્ડવેવ શું છે અને તેનાથી કોઈનું મૃત્યુ થઈ શકે છે ? અહીં અમે તમને તેના વિશે માહિતી આપી રહ્યાં છીએ

(તસવીર સોશ્યલ મીડિયા પરથી)

Cold Wave Warning India: અત્યારે સમગ્ર ભારતમાં શિયાળાનો માહોલ જામ્યો છે. ઠંડીથી મોટા ભાગના વિસ્તારો ઠૂંઠવાઇ ગયા છે, ત્યારે આ બધાની વચ્ચે હાલમાં જ હવામાન વિભાગે ભારતમાં ઘણી જગ્યાએ કૉલ્ડવેબની ચેતવણી આપી છે, પરંતુ શું તમે ક્યારેય વિચાર્યું છે કે કૉલ્ડવેવ શું છે અને તેનાથી કોઈનું મૃત્યુ થઈ શકે છે ? અહીં અમે તમને તેના વિશે માહિતી આપી રહ્યાં છીએ.

કૉલ્ડવેવ ભારતના ઘણા વિસ્તારોમાં જનજીવન ખોરવી રહ્યું છે. હવામાન વિભાગે ઉત્તર ભારતના ઘણા ભાગોમાં રેડ એલર્ટ જાહેર કર્યું છે. રેડ એલર્ટ એટલે ખતરો, તો સમજો કે કૉલ્ડવેવ કેટલું ખતરનાક છે.

હવે સવાલ એ ઊભો થાય છે કે કૉલ્ડવેવ- શીત લહેરની સ્થિતિ ક્યારે ગણાય? તો જવાબ એ છે કે જ્યારે ઠંડા પવનો ઝડપથી ફૂંકાવા લાગે છે અને તેના કારણે તાપમાનમાં તીવ્ર ઘટાડો નોંધાય છે, જેના કારણે ઠંડી ખૂબ જ ઝડપથી વધવા લાગે છે, તો તે સ્થિતિને શીત લહેર કહેવામાં આવે છે.

જ્યારે દિવસનું તાપમાન 02 ડિગ્રી કે તેથી ઓછું જાય છે અને જ્યારે શિયાળાની ઋતુમાં લઘુત્તમ સામાન્ય તાપમાન 10 ડિગ્રીથી 06-07 ડિગ્રી સુધી જાય છે, ત્યારે આ સ્થિતિને ગંભીર શીત લહેર કહેવામાં આવે છે.તેને ગંભીર શીત લહેર પણ કહેવામાં આવે છે.

સામાન્ય રીતે આ સ્થિતિ ખૂબ જ ખતરનાક માનવામાં આવે છે. શિયાળાની ઋતુમાં, જ્યારે લઘુત્તમ તાપમાન 4-5 ડિગ્રીથી 10 ડિગ્રી સેલ્સિયસથી નીચે જાય છે અથવા 04 ડિગ્રી સેલ્સિયસની નજીક પહોંચી જાય છે, ત્યારે આ સ્થિતિને શીત લહેરોનો પ્રકોપ કહેવામાં આવે છે.

Continues below advertisement

હવે તમે વિચારતા હશો કે શું કોઈ વ્યક્તિનું મૃત્યુ શીત લહેરથી થઈ શકે છે? તો જવાબ છે હા. હકીકતમાં, ખતરનાક કોલ્ડ વેવ અને વ્યક્તિના સતત સંપર્કને કારણે, શરીરની રોગપ્રતિકારક શક્તિ નબળી પડી જાય છે જેના કારણે વ્યક્તિનું મૃત્યુ પણ થઈ શકે છે.