Dolphins In Indian River: ભારતની નદીઓમાં કુલ કેટલી ડોલ્ફિન, જાણો ક્યા રાજ્યમાં છે સૌથી વધુ સંખ્યા ?

Dolphins In Indian River: ડોલ્ફિન ઘણીવાર માણસો સાથે રમતી જોવા મળે છે. તેઓ ખાસ કરીને ટોળામાં રહે છે. ભારતમાં ગંગા નદીમાં ડોલ્ફિન જોવા મળે છે, જેને ગંગા ડોલ્ફિન કહેવામાં આવે છે.

પ્રતિકાત્મક તસવીર

Dolphins In Indian River: ડોલ્ફિન ઘણીવાર માણસો સાથે રમતી જોવા મળે છે. તેઓ ખાસ કરીને ટોળામાં રહે છે. ભારતમાં ગંગા નદીમાં ડોલ્ફિન જોવા મળે છે, જેને ગંગા ડોલ્ફિન કહેવામાં આવે છે. તાજેતરમાં દેશમાં પહેલીવાર નદીમાં હાજર ડોલ્ફિનની સંખ્યા પર એક સર્વે હાથ ધરવામાં આવ્યો છે. આ સર્વેક્ષણમાં જાણવા મળ્યું છે કે ભારતમાં કુલ 6327 ડોલ્ફિન છે, જેમાંથી મોટાભાગની ગંગા નદીમાં જોવા મળે છે. ચાલો તમને જણાવીએ કે કયા રાજ્યમાં કેટલી ડોલ્ફિન છે.

પીએમ મોદીએ તાજેતરમાં ગુજરાતના ગીર રાષ્ટ્રીય ઉદ્યાન ખાતે રાષ્ટ્રીય વન્યજીવન બોર્ડની 7મી બેઠકમાં દેશમાં ડોલ્ફિનની સંખ્યા અંગેનો એક સર્વે રિપોર્ટ બહાર પાડ્યો હતો.

આ સર્વેક્ષણ વર્ષ 2021 અને 2023ની વચ્ચે ગંગા અને બ્રહ્મપુત્રના લગભગ 8406 કિમી લાંબા વિસ્તારમાં કરવામાં આવ્યું હતું. આ સમયગાળા દરમિયાન, બંને નદીઓની ઉપનદીઓનો પણ સર્વે કરવામાં આવ્યો છે. આ ઉપરાંત વ્યાસ નદીના 101 કિમી લાંબા ભાગનો પણ સર્વે કરવામાં આવ્યો હતો.

ભારતમાં હાજર 6324 ગંગા ડોલ્ફિનમાંથી 3275 ડોલ્ફિન ગંગા નદીના મુખ્ય પ્રવાહમાં મળી આવી છે. જ્યારે ગંગાની સહાયક નદીઓમાં 2414 ડોલ્ફિન મળી આવી છે.

આ ઉપરાંત, બ્રહ્મપુત્ર નદીના મુખ્ય પ્રવાહમાં 584 ડોલ્ફિન મળી આવી હતી. ડોલ્ફિનનો અંદાજ કાઢવા માટે કુલ 28 નદીઓનો હોડી દ્વારા સર્વે કરવામાં આવ્યો હતોજેમાંથી 30 નદીના પટનો માર્ગ દ્વારા નકશો બનાવવામાં આવ્યો હતો.

રાજ્યોની વાત કરીએ તો ઉત્તર પ્રદેશમાં સૌથી વધુ 2397 ડોલ્ફિન મળી આવી છે. આ પછી બિહારમાં 2220 ડોલ્ફિન, ઝારખંડમાં 162, રાજસ્થાન અને મધ્યપ્રદેશમાં 95, પશ્ચિમ બંગાળમાં 815, આસામમાં 635 અને પંજાબમાં 3 ડોલ્ફિન મળી આવી છે.

ગંગામાં ડોલ્ફિન માટે કુલ 7109 કિલોમીટરનો સર્વે મુખ્યત્વે કરવામાં આવ્યો હતો. આ સર્વેક્ષણમાં ગંગા તેમજ રાપ્તી, ઘાઘરા, ચંબલ, યમુના, શારદા, ગેરુઆ, તોરસા, ચુર્ણી, કોસી, મહાનંદા, ગંડક, રૂપનારાયણ અને કાલજાની નદીઓનો સમાવેશ થાય છે.

આ બધી નદીઓ ઉત્તર પ્રદેશ, બિહાર, ઝારખંડ, રાજસ્થાન, મધ્ય પ્રદેશ અને પશ્ચિમ બંગાળમાં છે. અહીંની નદીઓમાં ડોલ્ફિન જોવા મળે છે. ભારતમાં ડોલ્ફિનની બે પ્રજાતિઓ જોવા મળે છે. અહીં ગંગા ડોલ્ફિન અને સિંધુ ડોલ્ફિન જોવા મળે છે.