શું તમારું બાળક 15 વર્ષનું છે? આધાર બાયોમેટ્રિક અપડેટ હવે તદ્દન મફત; જાણો છેલ્લી તારીખ

UIDAI ની વાલીઓને મોટી ભેટ: 5 થી 17 વર્ષના બાળકો માટે ફિંગરપ્રિન્ટ અને આઇરિસ અપડેટનો ચાર્જ માફ, જાણો ક્યાં સુધી મળશે લાભ.

જો તમે માતા-પિતા છો અને તમારા બાળકના આધાર કાર્ડ (Aadhaar Card) ને લઈને ચિંતિત છો, તો તમારા માટે રાહતના સમાચાર છે.

યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) એ બાળકોના આધાર અપડેટને લઈને એક મોટો અને મહત્વપૂર્ણ નિર્ણય લીધો છે. હવેથી બાળકોના આધારમાં ફરજિયાત બાયોમેટ્રિક અપડેટ (Biometric Update) કરાવવા માટે કોઈ ફી ચૂકવવી પડશે નહીં. આ નિર્ણયનો સીધો લાભ દેશના લાખો વાલીઓને થશે.

UIDAI ના નિયમો અનુસાર, 5 વર્ષથી નાની ઉંમરના બાળકોના આધાર કાર્ડમાં તેમના બાયોમેટ્રિક્સ (જેમ કે ફિંગરપ્રિન્ટ અને આંખની કીકીનું સ્કેન) લેવામાં આવતા નથી; તેને માત્ર ફોટા અને વાલીની વિગતોના આધારે બનાવવામાં આવે છે, જેને 'બાલ આધાર' કહેવાય છે. પરંતુ જ્યારે બાળક 5 વર્ષનું થાય, ત્યારે તેના શારીરિક ફેરફારોને કારણે પ્રથમ બાયોમેટ્રિક અપડેટ અનિવાર્ય બને છે.

તે જ રીતે, જ્યારે બાળક 15 વર્ષનું થાય, ત્યારે તેના ફિંગરપ્રિન્ટ્સ અને ચહેરામાં આવતા બદલાવને કારણે 15 થી 17 વર્ષની વયે બીજું અપડેટ કરાવવું ફરજિયાત હોય છે. જો આ અપડેટ ન કરવામાં આવે તો આધાર કાર્ડ નિષ્ક્રિય થઈ શકે છે.

પહેલા આ બાયોમેટ્રિક અપડેટ માટે વાલીઓએ ₹125 નો ચાર્જ ચૂકવવો પડતો હતો. પરંતુ હવે UIDAI એ 1 ઓક્ટોબર, 2025 થી 30 સપ્ટેમ્બર, 2026 સુધીના એક વર્ષના સમયગાળા માટે આ ફી સંપૂર્ણપણે માફ કરી દીધી છે. એટલે કે, હવે તમે કોઈપણ ખર્ચ વિના તમારા 5 થી 17 વર્ષના બાળકોના ફોટો, ફિંગરપ્રિન્ટ અને આઇરિસ સ્કેન અપડેટ કરાવી શકશો.

ઈલેક્ટ્રોનિક્સ અને આઈટી મંત્રાલયના અંદાજ મુજબ, આ નિર્ણયથી લગભગ 60 મિલિયન (6 કરોડ) બાળકોને ફાયદો થશે. ઘણીવાર અપડેટ ન થયેલા આધાર કાર્ડને કારણે બાળકોને શાળામાં એડમિશન, સરકારી શિષ્યવૃત્તિ (Scholarship) અને DBT યોજનાઓ ના લાભો મેળવવામાં મુશ્કેલી પડતી હતી. હવે મફત અપડેટની સુવિધાથી આ સમસ્યાઓ દૂર થશે.

Continues below advertisement