14 વર્ષ પહેલાં ભાગી ગયેલો છોકરો બની ગયો ધનિક બિઝનેસમેન, કઈ રીતે પરિવારને શોધીને લક્ઝરીયસ કારમાં કરી એન્ટ્રી?

નવી દિલ્હીઃ હોળીનો તહેવાર નજીક આવી રહ્યો છે. સપ્તાહ બાદ દેશભરમાં હોળીના તહેવારને ધામધૂમથી મનાવવામાં આવશે. હોળીનો તહેવાર અનેક પરિવારો માટે ખુશીઓ લઇને આવે છે, ત્યારે હરદોઇના સાંડી વિકાસ ખંડના ફિરોઝપુર ગામના એક પરિવાર માટે આ તહેવાર ખુશીઓ કરતાં પણ અતિ આનંદનો બની ગયો છે, કેમકે તેમને દીકરો 14 વર્ષ બાદ ઘરે આવ્યો છે. ખરેખરમાં પરિવારનો દીકરો 14 વર્ષ અગાઉ ભાગી ગયો હતો અને હવે તે ફરીથી ઘરે આવ્યો છે.

ફિલ્મી પટકથા જેવી કહાની હકીકતમાં બની છે. હરદોઇનો રહેવાસી રિન્કુ 12 વર્ષની ઉંમરે ભણવાના ડરથી ઘર છોડીને ભાગી ગયો હતો. તેની શોધખોળ તેના માતાપિતાએ ખુબ કરી પરંતુ ક્યાંયથી તે પાછો મળ્યો નહીં. છેવટે માતાપિતા એક ખરાબ સપનુ સમજીને તેને ભુલી ગયા. પરંતુ હવે ઉપરવાળાએ કંઇક અલગ જ કહાની ઘડી કાઢી છે. રિન્કુ 14 વર્ષ બાદ પોતાના ઘરે માતાપિતા અને પરિવારને મળવા પહોંચ્યો છે. પરંતુ ખાસ વાત છે કે રિન્કુ એક ધનિક બિઝનેસમેન બની ગયો છે. રિન્કુ હવે કેટલીય ગાડીઓનો માલિક બનીને આવ્યો છે. રિન્કુ પરિવારને મળવા લક્ઝૂરિયસ કાર લઇને આવ્યો હતો.

ખરેખરમાં, સૈતિયાપુરના ફિરોઝપુર નિવાસી સરજૂ ખેતી કરે છે. તેમની પત્ની સીતા ઘરેલૂ મહિલા છે. હવે તે લગભગ 14 વર્ષ પહેલા સરજૂ અને સીતાનો પુત્ર રિંકૂ ઘરથી કંઇ પણ કહ્યા વગર ચાલ્યો ગયો હતો.

શનિવારની રાત્રે રિંકૂ નામ બદલી અને વેશભૂષાની સાથે ગામમાં આવ્યો તો તેની માતાએ તેને એક ઝાટકે જ ઓળખી લીધો, અને તેને ગળે લગાવી ખુબ જ રડવા લાગી હતી.

રિંકૂ છેલ્લા 14 વર્ષથી પંજાબમાં હતો અને તેને કેટલાક ટ્રક પણ ખરીદ્યા હતા. તેની એક ટ્રક ધનબાદમાં દૂર્ઘટનાગ્રસ્ત થઇ ગતી. તેથી તે પોતાની કારમાં સવાર થઇ ત્યાં જઇ રહ્યો હતો અને રસ્તામાં હરદોઇ આવતા તેની જૂની યાદો તાજી થઇ ગઇ. જોકે તે પોતાના પિતાનું નામ યાદ કરી શક્યો ન હતો પરંતુ તેને ગામમાં એક સૂરત યાદવ નામ યાદ હતું. ગામમાં પહોંચી તે સૂરત પાસે ગયો તો સૂરતે પણ તેને તરત જ ઓળખી લીધો અને પછી તેના ઘરે લઇ ગયો.

અનુસૂચિત જાતિથી સંબંધ ધરાવતો રિંકૂ હવે ગુરૂપ્રીત સિંહ બની ગયો છે. તેની રહેણીકરણી પણ સરદારો જેવી છે. માથે પાઘડી બાંધે છે. ગોરખપુરનો એક પરિવાર લુધિયાણામાં જ રહેતો હતો. તે પરિવારની દીકરી સાથે રિંકૂ ઉર્ફે ગુરૂપ્રીતના લગ્ન પણ થઇ ચૂક્યા છે. સરજૂ અને સીતાને લગ્નની જાણ થતા તેઓ વધારે ખુશ થઇ ગયા હતા.

રિંકૂ ઉર્ફે ગુરૂપ્રીતની કહાની ખુબ જ ફિલ્મી છે. રિંકૂનું કહેવું છે કે, અભ્યાસમાં ઠપકો મળતા તે નવા કપડા ઉપર જૂના કપડા પહેરી ઘરેથી ચાલ્યો ગયો હતો. એક ટ્રેનમાં બેસીને તે લુધિયાણા પહોંચી ગયો હતો. ત્યાં તેને એક સરદારજી મળ્યા હતા. આ સરદારે તેને પોતોની ટ્રાંન્સપોર્ટ કંપનીમાં કામ આપ્યું. અહિંયા કામ કરતા-કરતા તે ટ્રક ચલાવતા શીખી ગયો અને ધીરેધીરે તે કેટલાક ટ્રકનો માલિક પણ બની ગયો.

26 વર્ષનો રિંકૂ ઉર્ફે ગુરૂપ્રીતને તેની માતા સિતા ગળે લગાવીને કહે છે કે, ભલે જે કામ કરે પરંતુ હવે અમને છોડીને જતો નહીં. ગુરૂપ્રીત પણ આટલા વર્ષો બાદ ઘરે પહોંચ્યો તો કામધંધો છોડી રોકાઇ ગયો. જોકે કામધંધાની મજબૂરીઓના કારણે તેને રાત્રે મોડા નિકળવું પડ્યું. ગુરૂપ્રીત પણ પોતાના માતા-પિતાને મળી ખુબ જ ખુશ છે. તે પોતાના માતા-પિતા સાથે રહેવાની પણ આશા વ્યક્ત કરી રહ્યો છે.