Heavy Rain alert: 15 રાજ્યોમાં ભારે વરસાદની ચેતવણી, હવામાન વિભાગે આપ્યું એલર્ટ

Heavy Rain alert: 15 રાજ્યોમાં ભારે વરસાદની ચેતવણી, હવામાન વિભાગે આપ્યું એલર્ટ

પ્રતિકાત્મક તસવીર

નવી દિલ્હી: હવામાન વિભાગે આગામી એક અઠવાડિયામાં દેશના 15 થી વધુ રાજ્યોમાં ભારે વરસાદની ચેતવણી જારી કરી છે. હવામાન વિભાગના જણાવ્યા અનુસાર, ઉત્તર કર્ણાટક-ગોવાના દરિયાકાંઠે પૂર્વ મધ્ય અરબી સમુદ્ર પર એક નીચા દબાણનો વિસ્તાર બનવાની ધારણા છે.

તે ટૂંક સમયમાં ઉત્તર તરફ ઝડપથી આગળ વધવાનું શરૂ કરશે. ઓછા દબાણવાળા ક્ષેત્રને કારણે, ગુજરાત, કોંકણ, ગોવા, કર્ણાટક અને કેરળના પશ્ચિમ કિનારા પર ભારેથી અતિ ભારે વરસાદ પડશે.

કોંકણ-ગોવા દરિયાકાંઠા માટે રેડ એલર્ટ જારી કરવામાં આવ્યું છે જ્યારે મધ્યપ્રદેશ-મહારાષ્ટ્ર, તેલંગાણા, છત્તીસગઢ અને દરિયાકાંઠાના કર્ણાટક જેવા વિવિધ વિસ્તારોમાં ઓરેન્જ એલર્ટ જારી કરવામાં આવ્યું છે.

કેરળમાં 24-26 મે દરમિયાન અને દરિયાકાંઠાના કર્ણાટકમાં 24-27 મે દરમિયાન ભારે વરસાદ પડશે. કેરળ અને કર્ણાટકમાં આગામી સાત દિવસ સુધી વરસાદ અને તોફાન ચાલુ રહેવાની સંભાવના છે.

27 મેના રોજ તમિલનાડુ, પુડુચેરી, કરાઈકલ, તેલંગાણામાં વરસાદની શક્યતા છે. તમિલનાડુમાં 25 અને 26 મેના રોજ ભારે વરસાદની સંભાવના છે.

કેરળમાં ભારે વરસાદ પડી રહ્યો છે. 16 વર્ષમાં આ પહેલી વાર છે જ્યારે કેરળમાં ચોમાસુ આટલું વહેલું પહોંચ્યું છે. કેરલમાં ચોમસાની એન્ટ્રી થઈ ગઈ છે. આ વર્ષે, 2009 પછી પહેલી વાર, ચોમાસુ ભારતની મુખ્ય ભૂમિ પર આટલું વહેલું પહોંચી ગયું છે.