Lost Passport Issue: વિદેશ પ્રવાસમાં તમારો પાસપોર્ટ ખોવાઈ જાય તો ઘરે પાછા કેમ ફરશો ? જાણો

Lost Passport Issue: વિદેશ પ્રવાસમાં તમારો પાસપોર્ટ ખોવાઈ જાય તો ઘરે પાછા કેમ ફરશો ? જાણો

પ્રતિકાત્મક તસવીર

Lost Passport Issue: વિદેશમાં પાસપોર્ટ ખોવાઈ જવો એ પ્રવાસીઓ માટે એક દુખદ સપનું બની શકે છે. આ સમસ્યા તમારી આખી યાત્રાને બગાડી શકે છે. પરંતુ સારા સમાચાર એ છે કે ભલે આ પરિસ્થિતિ નિરાશાજનક હોઈ શકે છે પરંતુ જો તમે યોગ્ય સ્ટેપ્સ ફોલો કરો તો તમે તેને દૂર કરી શકો છો. ચાલો જાણીએ કે આવી ઘટના બને તો મુશ્કેલીમાંથી કેવી રીતે બહાર નીકળવું.

જ્યારે તમને ખબર પડે કે તમે તમારો પાસપોર્ટ ખોવાઈ ગયો છે, ત્યારે તમારે પહેલા નજીકના પોલીસ સ્ટેશનમાં પાસપોર્ટ ગુમ થવાની ફરિયાદ નોંધાવવી જોઈએ. આ પ્રક્રિયા તમને કાનૂની રક્ષણ અને સત્તાવાર પુરાવો પૂરો પાડે છે કે તમારો પાસપોર્ટ ચોરાઈ ગયો છે અથવા ગુમ થયો છે. પોલીસ તમને ખોવાયેલી મિલકતનો રિપોર્ટ અથવા ફરિયાદની નકલ પ્રદાન કરશે, જે તમને દરેક સ્ટેપ્સમાં મદદ કરશે.

પોલીસ રિપોર્ટ મળ્યા બાદ તમારે ભારતીય દૂતાવાસ અથવા હાઈ કમિશનનો સંપર્ક કરવો જોઈએ. આ એકમાત્ર ઓથોરિટી છે જે વિદેશમાં તમારી ઓળખ ચકાસી શકે છે અને તમને ભારત પાછા ફરવામાં મદદ કરી શકે છે.

જ્યારે સમય ઓછો હોય અને તમારે ઝડપથી તમારા દેશમાં પાછા ફરવાની જરૂર હોય ત્યારે દૂતાવાસ ઈમરજન્સી સર્ટિફિકેટ જારી કરે છે. આ એક વખતનો મુસાફરી દસ્તાવેજ છે. જે તમને સીધા ભારત પાછા ફરવાની મંજૂરી આપે છે. તે પાસપોર્ટની જગ્યા નથી લેતું પરંતુ તે ઘરે પાછા ફરવાની સૌથી ઝડપી ટિકિટ છે. તમારે પોલીસ રિપોર્ટ, આધાર કાર્ડ અથવા પાન કાર્ડ, પાસપોર્ટ ફોટો અને અરજી ફીની જરૂર પડશે.

જો તમારી મુસાફરી પ્લાન હજુ પણ યથાવત છે અને તમે તમારી સફર ચાલુ રાખવા માંગતા હોય તો દૂતાવાસ નવો કામચલાઉ પાસપોર્ટ પણ જારી કરી શકે છે. આમાં ઇમરજન્સી સર્ટિફિકેટ કરતાં વધુ સમય લાગે છે કારણ કે તેમાં વધુ ઓળખ ચકાસણીની જરૂર પડે છે.

Continues below advertisement

એકવાર ઇમરજન્સી સર્ટિફિકેટ જારી થઈ જાય પછી તમને ઘરે પાછા ફરવા માટે સત્તાવાર રીતે મંજૂરી આપવામાં આવે છે. તમે હંમેશની જેમ ફ્લાઇટ બુક કરી શકો છો જેમ પહેલા કરતા હતા. એરપોર્ટ પર ઇમિગ્રેશન અધિકારીઓ પોલીસ રિપોર્ટ સાથે તમારા ઇમરજન્સી સર્ટિફિકેટને ક્રોસ-વેરિફાઇ કરશે. એક્સપર્ટ દ્વારા હંમેશા તમારા પાસપોર્ટની ફોટોકોપી સાથે રાખવાની અથવા ઇમેઇલ અથવા ક્લાઉડ સ્ટોરેજ દ્વારા ડિજિટલ કોપી સાચવવાની ભલામણ કરે છે. આ નકલ દૂતાવાસ ચકાસણી માટે ખૂબ મદદરૂપ સાબિત થાય છે.