ISRO Ram Setu Research: રામ સેતુ વિશે ISROને મળ્યો ખજાનો! સમુદ્રની નીચેનો નકશો બનાવ્યો

આ બ્રિજ તમિલનાડુના રામેશ્વરમ અથવા પમ્બન દ્વીપથી લઈને શ્રીલંકાના મન્નાર દ્વીપ વચ્ચે સ્થિત છે. તેના નકશાને તૈયાર કરવા માટે અમેરિકી સંશોધન સંસ્થા નાસાના ઉપગ્રહનો ઉપયોગ કરવામાં આવ્યો.

આ પુલના નકશાનું કામ ISROના જોધપુર અને હૈદરાબાદના સંશોધકો દ્વારા નાસા ઉપગ્રહ ICESat 2નો ઉપયોગ કરીને કરવામાં આવ્યું. તેનો ઉપયોગ કરીને વૈજ્ઞાનિકો બરફની ચાદરો, હિમનદીઓ, સમુદ્રી બરફની ઊંચાઈની ચોક્કસ માહિતી આપે છે.

સંશોધકોએ એડમ્સ બ્રિજ (રામ સેતુ)નું ક્ષેત્રફળ 1 ચોરસ કિલોમીટર આંક્યું છે, જેમાંથી માત્ર 0.02 ટકા જ સરેરાશ સમુદ્ર સપાટીથી ઉપર જોવા મળ્યું છે.

સંશોધકોએ જણાવ્યું કે આ પુલ સંપૂર્ણપણે પાણીમાં ડૂબેલો હોવાથી, અત્યાર સુધી વહાણમાંથી આવતા સાઉન્ડિંગ ડેટાના આધારે સર્વે શક્ય ન હતો.

ફારસી નાવિકોએ તેને પ્રથમ વખત 9મી સદીમાં સેતુ બંધાઈ કહ્યું હતું, જેનો અર્થ છે સમુદ્ર પારનો પુલ. રામેશ્વરમના મંદિરોના અભિલેખોમાંથી જાણવા મળે છે કે આ પુલ 1480 સુધી સમુદ્રની સપાટી ઉપર હતો. ત્યારબાદ વાવાઝોડાએ તેને નષ્ટ કરી નાખ્યો.