શું ભાજપ એકલા હાથે 2024 લોકસભાની ચૂંટણીમાં બનાવશે સરકાર? સર્વેમાં થયો મોટો ખુલાસો

India Tv CNX Survey: 2024માં યોજાનારી લોકસભાની ચૂંટણી માટે ગયા મહિને એક સર્વે હાથ ધરવામાં આવ્યો હતો. જેના આધારે ભાજપની બેઠકોમાં ઘટાડો થવાનો અંદાજ છે. જાણો શું કહે છે આંકડા!

આ સર્વે India Tv CNX Survey દ્વારા ઇન્ડિયા ગઠબંધનની રચના પછી આગામી લોકસભા ચૂંટણી માટે જનતાના મૂડને માપવા માટે કરવામાં આવ્યો હતો. જેના પરિણામો ચોંકાવનારા છે.

સર્વેના આંકડા મુજબ પીએમ મોદી ત્રીજી વખત પણ વડાપ્રધાન બની શકે છે. જો આમ થશે તો મોદી પંડિત જવાહરલાલ નેહરુ પછી સતત ત્રણ ટર્મ સુધી પીએમ બનવાના રેકોર્ડની બરાબરી કરશે.

સર્વેમાં ભાજપના નેતૃત્વમાં એનડીએને જબરદસ્ત બહુમતી મળવાની આશા છે. એનડીએ ગઠબંધન 318 સીટો જીતી શકે છે. જ્યારે વિપક્ષી ગઠબંધન ઈન્ડિયાને 175 બેઠકો મળવાની ધારણા છે, જ્યારે અન્યને 50 બેઠકો મળવાની ધારણા છે.

વોટની ટકાવારીની વાત કરીએ તો ઇન્ડિયા ગઠબંધનને 24.9 ટકા વોટ મળવાની ધારણા છે. અન્ય પાસે 32.6 ટકા વધુ વોટ શેર હોવાનો અંદાજ છે. જ્યારે એકલા ભાજપને 42.5 ટકા વોટ મળી શકે છે.

પોતાના દમ પર બેઠકો મેળવવાની વાત કરીએ તો કોંગ્રેસને 66 બેઠકો જીતવાની આગાહી કરવામાં આવી છે જ્યારે ભાજપ પોતાના દમ પર 290 બેઠકો જીતવાની ધારણા છે. જો કે આ આંકડા મુજબ ભાજપ અને એનડીએ બંનેની સીટોમાં ઘટાડો થયો છે.

2019ની લોકસભા ચૂંટણીમાં એનડીએને 353 બેઠકો મળી હતી, જ્યારે ભાજપ એકલા હાથે 303 બેઠકો જીતવામાં સફળ રહ્યું હતું. જેના આધારે એનડીએને 35 અને ભાજપને 13 બેઠકોનું નુકસાન થવાની ધારણા છે.

આ હિસાબે કોંગ્રેસની બેઠકો વધવાની ધારણા છે. ગત લોકસભા ચૂંટણીમાં પાર્ટીને 52 બેઠકો મળી હતી. તે દૃષ્ટિકોણથી આ વખતે દેશની સૌથી જૂની પાર્ટીને 14 બેઠકો મળવાની ધારણા છે.