Railway Ticket Rules: કન્ફર્મ ટિકિટની તારીખ ઘરે બેઠા બદલી શકશો, જાણો ક્યારથી લાગૂ થશે નિયમ

Railway Ticket Rules: કન્ફર્મ ટિકિટની તારીખ ઘરે બેઠા બદલી શકશો, જાણો ક્યારથી લાગૂ થશે નિયમ

પ્રતિકાત્મક તસવીર

Indian Railways Ticket Change Policy: જો તમે ભારતીય રેલ્વેમાં મુસાફરી કરો છો તો તમારા માટે સારા સમાચાર છે. 2026 થી, તમે તમારા ઘરે બેઠા તમારી કન્ફર્મ ટિકિટની તારીખ ઓનલાઈન બદલી શકશો. આનો અર્થ એ છે કે જો તમે 13 નવેમ્બર માટે ટિકિટ બુક કરાવી હતી પરંતુ હવે 20 નવેમ્બરે મુસાફરી કરવા માંગતા હોય તો તમે તારીખ બદલી શકશો. નોંધનીય છે કે ભારતીય રેલ્વે આવતા વર્ષથી આ સુવિધા ઓફર કરી શકે છે.

હાલના નિયમો અનુસાર, જો મુસાફરો તેમની મુસાફરીની તારીખ બદલવા માંગતા હોય તો તેમણે તેમની ટિકિટ રદ કરવી પડશે. રદ કરવાના શુલ્ક લાગુ પડે છે, જેના કારણે મુસાફરોને નોંધપાત્ર અસુવિધા થાય છે.

ભારતીય રેલ્વે આ અસુવિધાને દૂર કરવા માટે આ નવા નિયમ પર વિચાર કરી રહી છે. નવી સિસ્ટમ હેઠળ મુસાફરોએ હવે તેમની ટિકિટ રદ કરવાની કે તેમની મુસાફરીની તારીખ બદલવા માટે કોઈ ફી ચૂકવવાની રહેશે નહીં. તમે IRCTC વેબસાઇટ અથવા મોબાઇલ એપ્લિકેશન દ્વારા તમારા ઘરેથી તમારી મુસાફરીની તારીખ બદલી શકશો.

નવા નિયમમાં સ્પષ્ટપણે જણાવવામાં આવશે કે જો તમે તમારી મુસાફરીની તારીખ બદલો છો તો ટ્રેનની બેઠક ક્ષમતાના આધારે તમને આગામી તારીખે કન્ફર્મ સીટ મળશે. ભાડું પણ વધારે હોઈ શકે છે, પરંતુ તમારે ફક્ત ઊંચું ભાડું ચૂકવવું પડશે.

કેન્દ્રીય રેલ્વે મંત્રી અશ્વિની વૈષ્ણવે NDTV સાથેના એક ઈન્ટરવ્યૂમાં જણાવ્યું હતું કે આ નવી સિસ્ટમ જાન્યુઆરી 2026 સુધીમાં લાગુ થઈ શકે છે. આ સુવિધા મુસાફરોને ટિકિટ રદ કરવાની કે ફરીથી બુક કરવાની ઝંઝટમાંથી મુક્તિ આપશે.

Continues below advertisement

તેમણે સ્પષ્ટતા કરી હતી કે આ સિસ્ટમ મુસાફરોના હિતમાં ડિઝાઇન કરવામાં આવી છે, જેથી તેમને રદ કરવાની પ્રક્રિયાની ઝંઝટમાંથી મુક્તિ મળે.