Weather Updates: ભારે પવનને કારણે તાપમાન ગગડ્યું! આગામી 2-3 દિવસ વરસાદની આગાહી, જાણો લેટેસ્ટ હવામાન અપડેટ

બુધવારે હવામાં ભેજ જોવા મળતા ચીકણી પરસેવાની ગરમીએ લોકોને પરેશાન કર્યા હતા. આ પછી બુધવાર રાતથી દિલ્હી-એનસીઆરમાં જોરપાદર પવનને કારણે લોકોને રાહત મળી છે.

9 મે, 2024 સવારથી જ પવન ફુંકાવાને કારણે દિલ્હી-NCRમાં વાતાવરણ ખુશનુમા છે. હવામાન વિભાગ અનુસાર વેસ્ટર્ન ડિસ્ટર્બન્સના કારણે આજે દિલ્હી સહિત આસપાસના અનેક વિસ્તારોમાં સામાન્ય વરસાદની સંભાવના છે, જ્યારે આવતીકાલથી વરસાદ અને તોફાન થવાની સંભાવના છે.

હવામાન વિભાગ અનુસાર, દિલ્હી-એનસીઆર 10 મેના રોજ પણ આંશિક વાદળછાયું રહી શકે છે. ભારે પવન સામાન્ય વરસાદ પડવાની શક્યતા છે. મહત્તમ તાપમાન 40 ડિગ્રી અને લઘુત્તમ તાપમાન 27 ડિગ્રી સુધી રહી શકે છે.

હરિયાણામાં પણ વાતાવરમમાં પલટો આવતા લોકોને આકરી ગરમીથી રાહત મળી છે. બુધવારે ઘણી જગ્યાએ વરસાદ પડ્યો હતો. અહીંના અનેક જિલ્લાઓમાં ભારે પવન સાથે વરસાદની આગાહી છે. IMD એ પણ ઘણી જગ્યાએ કરા પડવાની શક્યતા વ્યક્ત કરી છે.

યુપીની વાત કરીએ તો બુધવારે રાજધાની લખનૌ અને આસપાસના જિલ્લાઓમાં વરસાદ પડ્યો હતો, ત્યારબાદ વાતાવરણ ખુશનુમા બની ગયું હતું. હવામાન વિભાગના જણાવ્યા અનુસાર 13 મે સુધી લખનૌ સહિત યુપીના અનેક જિલ્લાઓમાં વરસાદ અને ગાજવીજની સંભાવના છે. ઘણી જગ્યાએ વીજળી પણ પડી શકે છે.

હાલમાં રાજસ્થાનમાં ગરમીના કારણે લોકોનું જીવન મુશ્કેલ બની ગયું છે. હવામાન વિભાગના જણાવ્યા અનુસાર ગુરુવાર અને શુક્રવાર સુધી રાહતની કોઈ આશા નથી. હવામાન વિભાગના જણાવ્યા અનુસાર, 10 મેના રોજ બિકાનેર, જયપુર, ભરતપુર ડિવિઝનમાં હીટવેવ ચાલુ રહેવાની શક્યતા છે.

10-11 મેના રોજ નવા વેસ્ટર્ન ડિસ્ટર્બન્સના સક્રિય થવાને કારણે, ઉદયપુર, ચિત્તોડગઢ, ભીલવાડા, રાજસમંદ, સલમ્બર, કોટા, જોધપુર, ફલોદી, જેસલમેર, બાડમેર, બાલોત્રામાં છૂટાછવાયા સ્થળોએ વાવાઝોડું અને વરસાદ થવાની સંભાવના છે. તેની અસરને કારણે 11 મેથી તાપમાનમાં 2-3 ડિગ્રી સેલ્સિયસનો ઘટાડો થઈ શકે છે. અહીં 13 મે સુધી વરસાદની સંભાવના છે.

IMD અનુસાર, 9 મેના રોજ સાંજે 5 વાગ્યા સુધી હરિયાણાના ઘણા જિલ્લાઓમાં વરસાદ અને કરા સાથે વીજળી અને તેજ પવનની સંભાવના છે. નાંગલ ચૌધરી, નારનૌલ, અટેલી, મહેન્દ્રગઢ, કનિના, ભદ્રા, ચરખી દાદરી, બાવલ, રેવાડી, કોસલી, માતનહેલ, ઝજ્જર સહિત ઘણા વિસ્તારોમાં ઓરેન્જ એલર્ટ જારી કરવામાં આવ્યું છે.

પંજાબમાં પણ લોકો ગરમીથી પરેશાન છે. બુધવારે અહીં તાપમાનનો પારો 43 ડિગ્રી સેલ્સિયસને પાર કરી ગયો હતો. જો કે, અહીં પણ આજે અને આવતીકાલે ઘણા જિલ્લાઓમાં વરસાદને લઈને એલર્ટ જારી કરવામાં આવ્યું છે. અહીં 11 અને 12 મેના રોજ વરસાદ પડી શકે છે.