Modi Cabinet 3.0: મહારાષ્ટ્રથી નીતિન ગડકરી, પીયૂષ ગોયલ સહિત આ નેતાઓ બન્યા મંત્રી, જુઓ પૂરી યાદી

મોદી કેબિનેટના ત્રીજા કાર્યકાળમાં મહારાષ્ટ્રના કેટલાક મોટા નેતાઓએ મંત્રી તરીકે શપથ લીધા છે. આ યાદીમાં પીયૂષ ગોયલ અને નીતિન ગડકરીનો સમાવેશ થાય છે.

નીતિન ગડકરી સતત ત્રીજી વખત મોદી સરકારમાં મંત્રી બન્યા છે. તેમણે નાગપુર બેઠક પરથી શાનદાર જીત મેળવી હતી.

2024ની ચૂંટણીમાં કેન્દ્રીય મંત્રી પીયૂષ ગોયલે મહારાષ્ટ્રની મુંબઈ ઉત્તર લોકસભા સીટ પર જંગી જીત મેળવી હતી. તેમણે કોંગ્રેસના ભૂષણ પાટીલને 3,57,608 મતોથી હરાવ્યા હતા. ભૂષણ પાટીલને માત્ર 3,22,538 વોટ મળ્યા છે.

લોકસભા ચૂંટણી 2024માં શિવસેનાના પ્રતાપરાવ ગણપતરાવ જાધવ સતત ચોથી વખત બુલઢાણા લોકસભા મતવિસ્તારમાંથી જીત્યા. આ સીટ પર શિવસેના અને શિવસેના (ઉદ્ધવ બાળાસાહેબ ઠાકરે) વચ્ચે મુકાબલો હતો. તેમણે શિવસેના (ઉદ્ધવ જૂથ)ના ઉમેદવાર નરેન્દ્ર દગડુ ખેડેકરને 29 હજાર 479 મતોથી હરાવ્યા. તેમને કેબિનેટમાં સ્થાન આપવામાં આવ્યું છે.

રિપબ્લિકન પાર્ટી ઓફ ઈન્ડિયા-રામાસ આઠવલે RPI-Aના વડા છે. આ ચૂંટણીમાં તેમની પાર્ટીમાંથી એક પણ સાંસદ ચૂંટાયા ન હતા. પરંતુ તેમને નવી સરકારમાં મંત્રી બનાવાયા છે. તેઓ પોતે RPIના એકમાત્ર રાજ્યસભા સાંસદ છે. તેમને મોદી સરકાર 3.0માં રાજ્યમંત્રી બનાવવામાં આવ્યા છે.

મહારાષ્ટ્રની રાવેર લોકસભા સીટ પરથી સાંસદ રક્ષા ખડસેએ મોટી જીત મેળવી હતી. તેમણે NCP શરદ પવાર જૂથના ઉમેદવાર શ્રી રામ પાટીલને 2 લાખ 72 હજાર 183 મતોથી હરાવ્યા.

મહારાષ્ટ્રની પુણે લોકસભા સીટ પર મુરલીધર મોહોલે મોટી જીત નોંધાવી હતી. તેમને મંત્રીમંડળમાં સ્થાન મળ્યું છે.