Manmohan Singh Death: પૂર્વ વડાપ્રધાન મનમોહન સિંહે પરિવારના કોઇ સભ્યને સરકારી ગાડીમાં બેસવા દીધા નહોતા, જાણો કારણ

Manmohan Singh Died: પૂર્વ પીએમ મનમોહન સિંહે પોતાની સાદગી અને ઈમાનદારીથી ઉદાહરણ પુરુ પાડતા હતા. તેમણે તેમના પરિવારને ક્યારેય સરકારી ગાડીમાં બેસવા દીધા નહોતા. પૂર્વ વડાપ્રધાન મનમોહન સિંહનું ગુરુવારે રાત્રે દિલ્હીની એઇમ્સમાં નિધન થયું હતું. શ્વાસ લેવામાં તકલીફના કારણે તેમને હોસ્પિટલમાં દાખલ કરવામાં આવ્યા હતા. અર્થવ્યવસ્થામાં ઐતિહાસિક પરિવર્તન લાવનારા મનમોહન સિંહે ભારતમાં અનેક મહત્વપૂર્ણ યોગદાન આપ્યા છે.

મનમોહન સિંહની પુત્રી દમન સિંહે પોતાના પુસ્તક સ્ટ્રિક્ટલી પર્સનલ: મનમોહન એન્ડ ગુરશરણમાં ખુલાસો કર્યો છે કે તેમના પિતાએ ક્યારેય પરિવારના કોઈપણ સભ્યને સરકારી વાહનનો ઉપયોગ કરવાની મંજૂરી આપી નથી. આ તેમની પ્રામાણિકતા અને શિસ્તનું ઉદાહરણ હતું.

દમન સિંહે જણાવ્યું કે તેમના પરિવારને ક્યાંક જવું હોય તો પણ સરકારી વાહનનો ઉપયોગ કરવામાં આવતો નહોતો. એટલે સુધી કે જો રસ્તો એક જ હોય તો પણ તેઓ પરિવારને પોતાની સરકારી ગાડીમાં લઇ જતા નહોતા.

મનમોહન સિંહનું જીવન સાદગી અને અનુશાસનનું પ્રતિક રહ્યું છે. દમન સિંહે જણાવ્યું કે તેમના પિતાને ઈંડા કેવી રીતે ઉકાળવા, ટીવી કેવી રીતે ચાલું કરવી તે આવડતું નહોતું. આમ છતાં તેમણે હંમેશા પોતાની જવાબદારીઓને પ્રાથમિકતા આપી હતી.

મનમોહન સિંહે પોતાની કારકિર્દી પંજાબ યુનિવર્સિટીમાં લેક્ચરર તરીકે શરૂ કરી હતી. આ પછી તેઓ દિલ્હી યુનિવર્સિટીમાં આવ્યા અને મુખ્ય આર્થિક સલાહકાર અને યોજના આયોગના ઉપાધ્યક્ષ જેવા પદો સહિત ઘણા મહત્વપૂર્ણ પદો પર સેવા આપી હતી

વર્ષ 1991માં મનમોહન સિંહને ભારતના નાણામંત્રી બનાવવામાં આવ્યા હતા. આ પછી 2004માં તેઓ ભારતના વડાપ્રધાન બન્યા હતા. તેમના બે કાર્યકાળ દરમિયાન તેમણે દેશની આર્થિક સ્થિતિને મજબૂત બનાવવામાં અને વિકાસને પ્રોત્સાહન આપવામાં મહત્વપૂર્ણ ભૂમિકા ભજવી હતી.

મનમોહન સિંહની પ્રામાણિકતા અને પારદર્શિતા હંમેશા તેમની ઓળખ રહી છે. સરકારી સંસાધનોની તેમની જાગૃતિ તેમના મૂલ્યો અને આદર્શોને પ્રતિબિંબિત કરે છે. તેમણે ક્યારેય પોતાના પદનો દુરુપયોગ થવા દીધો નથી.

ડૉ.મનમોહન સિંહનું જીવન સાદગી, પ્રમાણિકતા અને સેવાનું પ્રતિક હતું. તેમના પરિવાર અને દેશ પ્રત્યેનું તેમનું સમર્પણ આવનારી પેઢીઓ માટે પ્રેરણારૂપ બની રહેશે. તેમનું જીવન શિસ્ત અને નૈતિકતાનું ઉદાહરણ છે.