Monsoon 2023: શું આ વર્ષે દુષ્કાળ પડશે? હવામાન વિભાગે ચોમાસાને લઈને કરી આ મોટી આગાહી

ભારતીય હવામાન વિભાગ (IMD) એ આ વર્ષે સામાન્ય અને સામાન્ય કરતાં વધુ ચોમાસાની આગાહી કરી છે.

વિભાગ પાસેથી મળેલી માહિતી મુજબ આ વર્ષે ચોમાસું સામાન્ય રહેવાની 67 ટકા શક્યતા છે.

પૃથ્વી વિજ્ઞાન મંત્રાલયના સચિવ એમ રવિચંદ્રને જણાવ્યું હતું કે ભારતમાં જૂનથી સપ્ટેમ્બર દરમિયાન સામાન્ય વરસાદ જોવા મળશે.

IMD એ અલગ-અલગ મોડલના આધારે ચોમાસાની આગાહી કરી છે.

IMD અનુસાર, દ્વીપકલ્પના ભારતના ભાગો તેમજ ઉત્તર-પશ્ચિમ ભારતના ભાગોમાં સામાન્ય વરસાદની અપેક્ષા છે.

બીજી તરફ, પશ્ચિમ-મધ્ય ભારત, ઉત્તર-પશ્ચિમ ભારતના કેટલાક વિસ્તારોમાં સામાન્ય કરતાં ઓછો વરસાદ પડી શકે છે.

મહિનાની શરૂઆતમાં, હવામાન વિભાગે કહ્યું હતું કે દેશના ઘણા ભાગોમાં એપ્રિલથી જૂન સુધી સામાન્ય મહત્તમ તાપમાનનો અનુભવ થવાની ધારણા છે.