PM Modi Birthday: આજે PM મોદીનો 74મો જન્મદિવસ, જાણો એ ઐતિહાસિક ક્ષણો અંગે જે ક્યારેય ભૂલાશે નહીં

PM Modi Birthday: વડાપ્રધાન નરેન્દ્ર મોદી આજે મંગળવારે તેમનો 74મો જન્મદિવસ ઉજવશે. જેને લઈને ભાજપના આગેવાનો, કાર્યકરો અને સામાન્ય જનતામાં ઉજવણીનો માહોલ જોવા મળી રહ્યો છે. લોકસભા ચૂંટણીમાં ત્રીજી વખત જનાદેશ મળ્યા બાદ પીએમ મોદી એક પછી એક મોટા નિર્ણયો લઈ રહ્યા છે. તેમના અત્યાર સુધીના દસ વર્ષના કાર્યકાળ દરમિયાન તેમણે અનેક ઐતિહાસિક નિર્ણયો લીધો છે.

વડાપ્રધાન મોદીના જન્મદિવસ પર અમે તમને તેમની સાથે જોડાયેલી કેટલીક એવી ઐતિહાસિક ક્ષણો વિશે જણાવીશું જે અવિસ્મરણીય છે. તેમની રાજકીય સફરની સૌથી મહત્વપૂર્ણ ક્ષણ ત્યારે આવી જ્યારે તેમણે 2024માં ત્રીજી વખત પીએમ પદ સંભાળ્યું. તેમના નેતૃત્વમાં ભારતીય જનતા પાર્ટીએ નિર્ણાયક જનાદેશ હાંસલ કર્યો હતો. પીએમ મોદી પહેલા એવા બિન-કોંગ્રેસી નેતા છે જે નેહરુ પછી સતત ત્રીજી વખત વડાપ્રધાન બન્યા છે. રસપ્રદ વાત એ છે કે, 1962 પછી પહેલીવાર કોઈ સરકાર તેની બે ટર્મ પૂરી કરીને ત્રીજી વખત સત્તામાં પરત આવી છે.

ઈટાલીમાં G-7 સમિટ દરમિયાન વડાપ્રધાન નરેન્દ્ર મોદી અને તેમના ઈટાલિયન સમકક્ષ જ્યોર્જિયા મેલોનીની સેલ્ફી ક્લિક સોશિયલ મીડિયા પર વાયરલ થઈ હતી. મેલોનીએ લીધેલી તસવીરમાં બંને નેતાઓ હસતા જોવા મળ્યા હતા. આ દરમિયાન મેલોનીએ નમસ્તે કહીને પીએમ મોદીનું સ્વાગત કર્યું. પીએમ આવાસ પર અમેરિકાના રાષ્ટ્રપતિ જો બાઇડનને હોસ્ટ કરતા વડાપ્રધાન મોદીની તસવીરોએ ઘણી ચર્ચામાં આવી હતી. બાઇડન ગયા વર્ષે સપ્ટેમ્બરમાં આયોજિત G-20 સમિટમાં ભાગ લેવા માટે ભારત આવ્યા હતા. આ દરમિયાન બંને નેતાઓએ પ્રાદેશિક અને વૈશ્વિક મુદ્દાઓ પર ચર્ચા કરી હતી.

ચંદ્રયાન 3 મિશનની ઐતિહાસિક સફળતા બાદ પીએમ મોદીએ ઈન્ડિયન સ્પેસ રિસર્ચ ઓર્ગેનાઈઝેશન (ઈસરો)ના ચેરમેન એસ. સોમનાથને ગળે લગાડીને તેની પીઠ થપથપાવી હતી. દરમિયાન પીએમ મોદીએ દર વર્ષે 23 ઓગસ્ટે ઈન્ડિયા નેશનલ સ્પેસ ડે મનાવવાની જાહેરાત કરી હતી. ચંદ્ર પર લેન્ડર જ્યાંથી ઉતર્યું તે સ્થળનું નામ શિવ શક્તિ પોઈન્ટ રાખ્યું હતું. નવી દિલ્હીમાં નવી સંસદ ભવનનું ઉદ્ઘાટન કરતા પહેલા વડાપ્રધાન મોદીએ તમિલનાડુના ઐતિહાસિક રાજદંડ સેંગોલને લોકસભા અધ્યક્ષની ખુરશી પાસે રાખ્યો હતો. આ દરમિયાન પીએમ મોદીએ સેંગોલને પ્રણામ કર્યા હતા અને હાથમાં પવિત્ર રાજદંડ લઈને તમિલનાડુના પૂજારીઓ પાસેથી આશીર્વાદ લીધા હતા. આ પછી વૈદિક મંત્રોચ્ચાર વચ્ચે સેંગોલને નવા સંસદ ભવન લઈ જવામાં આવ્યો અને લોકસભા ચેમ્બરમાં સ્પીકરની ખુરશીની જમણી બાજુએ સ્થાપિત કરવામાં આવ્યો હતો.

નવી દિલ્હીમાં G-20 સમિટમાં વડાપ્રધાન નરેન્દ્ર મોદીની સામે મૂકવામાં આવેલા દેશના નામના કાર્ડ પર 'ભારત' લખવામાં આવ્યું હતું. સમગ્ર સમિટ દરમિયાન વડાપ્રધાન મોદીને 'ભારત'નું પ્રતિનિધિત્વ કરતા નેતા તરીકે ઓળખવામાં આવી હતી. પીએમ મોદીની આ તસવીર સોશિયલ મીડિયા પર આકર્ષણનું કેન્દ્ર બની રહી હતી. આ દરમિયાન પીએમ મોદીએ કહ્યું હતું કે G-20નું ભારતનું પ્રમુખપદ દેશની અંદર અને બહાર દરેકની એકતાનું પ્રતીક બની ગયું છે. તે ભારતમાં લોકોનું G-20 બની ગયું છે અને દેશભરમાં 200 થી વધુ બેઠકો યોજાઈ હતી.

વડા પ્રધાન નરેન્દ્ર મોદીએ 2023 માં કર્ણાટકના બેંગલુરુમાં હિન્દુસ્તાન એરોનોટિક્સ લિમિટેડ સાઇટની મુલાકાત દરમિયાન તેજસ વિમાનમાં આકાશમાં ઉડાન ભરી હતી, જેની તસવીરોએ સોશિયલ મીડિયા પર હલચલ મચાવી હતી. આ દરમિયાન પીએમએ કહ્યું હતું કે તેજસમાં ઉડવું એક શાનદાર અનુભવ હતો. આ ઉડાનથી દેશની સ્વદેશી ક્ષમતાઓમાં તેમનો વિશ્વાસ વધુ વધ્યો. તેમણે કહ્યું કે તેઓ ગર્વ સાથે કહી શકે છે કે અમારી મહેનત અને સમર્પણને કારણે આપણે આત્મનિર્ભરતાના ક્ષેત્રમાં દુનિયામાં પાછળ નથી.

વડાપ્રધાન મોદીએ વર્ષ 2023માં અમદાવાદમાં રોબોટિક્સ ગેલેરીની મુલાકાત લીધી હતી. આ દરમિયાન પીએમ મોદીએ રોબોટ દ્વારા પીરસવામાં આવેલી ચાની મજા માણી હતી. વડા પ્રધાને તેમના ઇન્સ્ટાગ્રામ હેન્ડલ પર આ ક્ષણ શેર કરી હતી, જેમાં તેમણે કેપ્શન આપ્યું હતું, 'રોબોટને ચા પીરસવાની તસવીર જોવાનું ચૂકશો નહીં.' તેને લાખો લોકોએ પસંદ કર્યું હતું.

2023માં વડા પ્રધાન નરેન્દ્ર મોદીએ ઉત્તરાખંડના પિથૌરાગઢ જિલ્લામાં પાર્વતી કુંડમાં પૂજા અર્ચના કરી હતી અને ધ્યાન કર્યું હતું. આ પછી તેમણે કૈલાશ વ્યુ પોઈન્ટથી આદિ કૈલાસના દર્શન કર્યા હતા. આ આધ્યાત્મિક ક્ષણ દરમિયાન તેમણે શંખ પણ વગાડ્યો હતો. 2024ની લોકસભા ચૂંટણી પ્રચારના અંત પછી પીએમ મોદીએ કન્યાકુમારીમાં વિવેકાનંદ રોક મેમોરિયલમાં 45 કલાક ધ્યાન કર્યું. તેમણે સ્વામી વિવેકાનંદની પ્રતિમા સામે બેસીને ધ્યાન કર્યું. આ દરમિયાન પીએમ મોદીએ વિવેકાનંદ શિલા પાસે સ્થિત તમિલ કવિ તિરુવલ્લુવરની 133 ફૂટ ઊંચી પ્રતિમાની મુલાકાત લીધી હતી.