સોશિયલ મીડિયા પર ટ્રેન્ડિંગમાં ઠાકરે બ્રધર્સ, ઉદ્ધવ સાથે આવવા પર રાજ ઠાકરેએ કરી મોટી વાત

સોશિયલ મીડિયા પર ટ્રેન્ડિંગમાં ઠાકરે બ્રધર્સ, ઉદ્ધવ સાથે આવવા પર રાજ ઠાકરેએ કરી મોટી વાત

રાજ ઠાકરે અને ઉદ્ધવ ઠાકરે

Uddhav Thackeray and Raj Thackeray : શિવસેના (UBT) ના વડા ઉદ્ધવ ઠાકરે અને મહારાષ્ટ્ર નવનિર્માણ સેના (MNS) ના પ્રમુખ રાજ ઠાકરેએ 20 પછી મુંબઈમાં એક સંયુક્ત રેલીમાં સ્ટેજ શેર કર્યું. ભાવનાત્મક ક્ષણમાં, ભાઈઓએ એકબીજાને ગળે લગાવ્યા અને એકબીજાને શુભેચ્છાઓ પાઠવી હતી. ઠાકરે બ્રધર્સને સ્ટેજ પર જોઈ સમર્થકોમાં ખુશીનો માહોલ છવાઈ ગયો. હાલ તો સોશિયલ મીડિયા પર ઠાકરે બ્રધર્સ ટ્રેન્ડ કરી રહ્યું છે.

મહારાષ્ટ્ર સરકાર દ્વારા હિન્દીને ત્રીજી ભાષા તરીકે રજૂ કરવાના નિર્ણયની પૃષ્ઠભૂમિ સામે આ કાર્યક્રમ યોજાયો હતો, જેના કારણે રાજ્યમાં ભાષા પર રાજકીય ચર્ચા ફરી ગરમ થઈ ગઈ છે. આ દરમિયાન ઉદ્ધવ ઠાકરેએ ભાજપ સરકાર પર આકરા પ્રહારો કર્યો હતા.

રાજ ઠાકરેએ પોતાના સંબોધનમાં કહ્યું, "મેં મારા એક ઇન્ટરવ્યુમાં કહ્યું હતું કે, મારું મહારાષ્ટ્ર કોઈપણ રાજકારણ અને લડાઈ કરતાં મોટું છે. આજે 20 વર્ષ પછી હું અને ઉદ્ધવ એક થયા છીએ. બાળાસાહેબ જે ન કરી શક્યા, તે દેવેન્દ્ર ફડણવીસે કર્યું છે. આપણા બંનેને એક સાથે લાવવાનું કામ."

રેલીને સંબોધતા ઉદ્ધવ ઠાકરેએ કહ્યું કે અમે (રાજ ઠાકરે) સાથે આવ્યા છીએ. એક સાથે રહેવા માટે. આ મહત્વપૂર્ણ છે. અમારી અને રાજ વચ્ચે જે અંતર હતું તે કેટલાક લોકોએ દૂર કર્યું છે. મરાઠીનું અપમાન સહન કરવામાં આવશે નહીં.

રાજ ઠાકરેએ કહ્યું કે તેઓ હિન્દી ભાષાના વિરોધી નથી, પરંતુ લોકો પર કોઈ ભાષા લાદવી યોગ્ય નથી. તેમણે ભારપૂર્વક કહ્યું, “જ્યારે મહારાષ્ટ્ર એકજૂટ થાય છે, ત્યારે તેની અસર સમગ્ર દેશમાં જોવા મળે છે.

મહારાષ્ટ્રના રાજકારણમા આજનો દિવસ ખૂબ જ મહત્વપૂર્ણ છે. લગભગ 20 વર્ષ પછી ઠાકરે ભાઈઓ આજે રાજકીય મંચ પર સાથે જોવા મળ્યા હતા.