Weather Update: આ વખતે ગરમી ભૂક્કા કાઢશે, માર્ચમાં જ લાગશે લૂ, જાણો IMDનું એલર્ટ

હવામાન વિભાગના જણાવ્યા અનુસાર, ઉત્તર, મધ્ય, પશ્ચિમ અને પૂર્વ મધ્ય ભારતના વિસ્તારો ભારતના મુખ્ય હીટવેવ ઝોનમાં સામેલ છે. માર્ચ 2024માં, પૂર્વ-મધ્ય ભારતના મોટાભાગના ભાગો અને ઉત્તર-પશ્ચિમ ભારતના કેટલાક ભાગોમાં મહત્તમ તાપમાન સામાન્ય અને નીચે રહેવાની સંભાવના છે.

હવામાન વિભાગની આગાહી મુજબ માર્ચ મહિનાથી આંધ્રપ્રદેશ, તેલંગાણા, ઉત્તર કર્ણાટક અને દક્ષિણ મહારાષ્ટ્રમાં ભારે ગરમીની સાથે સાથે હીટ વેવની પણ શક્યતા છે.

આઈએમડીએ કહ્યું છે કે માર્ચથી મે દરમિયાન રાત્રે હવામાન ખૂબ ગરમ હોઈ શકે છે. તે જ સમયે, આ વર્ષે ઉનાળાનો સમય સામાન્ય કરતાં વધુ લાંબો ચાલી શકે છે.

IMD અનુસાર, આ સમયગાળા દરમિયાન અરુણાચલ પ્રદેશ, પંજાબ, હિમાચલ પ્રદેશ અને દક્ષિણ અને મધ્ય પશ્ચિમ બંગાળના કેટલાક ભાગોમાં મહત્તમ તાપમાન સામાન્ય મર્યાદામાં રહેશે.

હવામાન વિભાગના જણાવ્યા અનુસાર, 2 અને 3 માર્ચે પંજાબ, હરિયાણા અને દિલ્હીમાં ગાજવીજ, વીજળી અને ભારે પવન સાથે હળવાથી મધ્યમ વરસાદની શક્યતા છે.

image 6IMD અનુસાર, 2 માર્ચે જમ્મુ-કાશ્મીર, લદ્દાખ, ગિલગિટ, બાલિસ્તાન, ઉત્તરાખંડ અને હિમાચલ પ્રદેશમાં ભારે વરસાદની સંભાવના છે. 2 માર્ચે પશ્ચિમ ઉત્તર પ્રદેશ, ઉત્તર મધ્ય પ્રદેશ અને પૂર્વ રાજસ્થાનમાં અલગ-અલગ સ્થળોએ કરા પડવાની સંભાવના છે.

તસવીર સૌજન્યઃ પીટીઆઈ