Weather Update Today: વરસાદ-વીજળી, વાવાઝોડું.... અનેક રાજ્યોમાં મોસમનો બદલાશે મિજાજ, જાણો IMDનુ લેટેસ્ટ અપડેટ

હવામાન વિભાગના જણાવ્યા અનુસાર, ઉત્તર પ્રદેશ, ઉત્તરાખંડ, જમ્મુ-કાશ્મીર, હિમાચલ પ્રદેશ, રાજસ્થાન, ચંદીગઢ, હરિયાણા, લદ્દાખમાં 18 થી 22 ફેબ્રુઆરી દરમિયાન વરસાદની સંભાવના છે.

આ સિવાય હિમાચલ અને ઉત્તરાખંડમાં 18 ફેબ્રુઆરીએ કરા પડવાની સંભાવના છે. પંજાબ, હરિયાણા અને ઉત્તર પ્રદેશમાં પણ કરા પડવાની સંભાવના છે. આ સાથે કેટલાક વિસ્તારોમાં વાવાઝોડાનું એલર્ટ પણ આપવામાં આવ્યું છે.

IMDનું કહેવું છે કે વેસ્ટર્ન ડિસ્ટર્બન્સના કારણે પંજાબમાં 18 થી 20 ફેબ્રુઆરી, હરિયાણા, ચંદીગઢ, દિલ્હી, ઉત્તર પ્રદેશ, રાજસ્થાનમાં 19 થી 21 ફેબ્રુઆરી દરમિયાન તોફાની પવન સાથે છૂટાછવાયા વરસાદની સંભાવના છે.

સ્કાયમેટ વેધર અનુસાર, આગામી 24 કલાક દરમિયાન જમ્મુ અને કાશ્મીર, લદ્દાખ, ગિલગિટ-બાલ્ટિસ્તાન, મુઝફ્ફરાબાદ અને હિમાચલ પ્રદેશના કેટલાક ભાગોમાં હળવાથી મધ્યમ વરસાદ અને છૂટાછવાયા ભારે વરસાદ અને હિમવર્ષા સાથે હિમવર્ષા થઈ શકે છે.

હવામાન નિષ્ણાત અંબાલાલ પટેલની આગાહી મુજબ, ગુજરાતમાં પશ્ચિમી વિક્ષેપને પગલે વાતાવરણ માં પલટો આવશે. આગામી 19,20 અને 21 ફેબ્રુઆરી દરમ્યાન રાજ્યના અનેક વિસ્તારોમાં પલટો આવશે.

. ઉત્તર ગુજરાતના વિસ્તારોમાં વરસાદી છાંટા પડવાની શક્યતા છે, કચ્છના વાતાવરણમાં મોટો પલટો આવશે. રાજ્યના અનેક વિસ્તારોમાં પવનની ગતિમાં વધારો થશે અને ઠંડીમાં વધારો થશે.

તસવીર સૌજન્યઃ પીટીઆઈ