Facts of snakes: ઠંડા પ્રદેશમાં કેમ જોવા નથી મળતાં સાંપ, જાણો તેની પાછળનું કારણ

દર વર્ષે સમગ્ર વિશ્વમાં લાખો લોકો સાપ કરડવાથી મૃત્યુ પામે છે. સાપને સૌથી ખતરનાક અને ઝેરી પ્રાણી માનવામાં આવે છે.

એટલું જ નહીં, કેટલાક સાપ એટલા ખતરનાક હોય છે કે તેના કરડવાથી જ વ્યક્તિ મરી શકે છે. જો કે, બરફમાં કોઈ સાપ જોવા મળતા નથી અને ઠંડીમાં ઓછા દેખાય છે. શુષ્ક અને ગરમ અને મિશ્ર આબોહવા ધરાવતા દેશો અને સ્થળોએ સાપ જોવા મળે છે.

તમને જણાવી દઈએ કે દુનિયાના લગભગ તમામ દેશોમાં સાપ જોવા મળે છે. જોકે, આયર્લેન્ડ, ન્યુઝીલેન્ડ, આઈસલેન્ડ, ગ્રીનલેન્ડ અને એન્ટાર્કટિકામાં સાપ બિલકુલ જોવા મળતા નથી.

હવે તમે વિચારતા હશો કે બર્ફીલા સ્થળોએ સાપ કેમ જોવા મળતા નથી. તમને જણાવી દઈએ કે સાપ પણ સરિસૃપની શ્રેણીમાં આવે છે. સરિસૃપ શ્રેણીના પ્રાણીઓ તેમના શરીરને ગરમ રાખવા માટે પોતે ઊર્જા કાઢવાની ક્ષમતા ધરાવતા નથી.

ઉલ્લેખનિય છે કે, ગરમી મેળવવા માટે સાપ તેની આસપાસના વાતાવરણ પર આધાર રાખે છે. આ જ કારણ છે કે તેમને ઠંડા લોહીવાળા પ્રાણીઓ કહેવામાં આવે છે. સરળ ભાષામાં કહીએ તો, આ સરિસૃપ પ્રજાતિના પ્રાણીઓ બરફવાળા વિસ્તારોમાં ટકી શકતા નથી.