રાજસ્થાની પથ્થરની કોતરણી, નાગપુર સાગનું લાકડું, મિર્ઝાપુર કાર્પેટ, અગરતલાનું વાંસ...ખૂબ જ ભવ્ય છે નવું સંસદ ભવન

નવા સંસદ ભવનની ભવ્યતાને ધ્યાનમાં રાખીને તેમાં ઘણી આધુનિક અને તકનીકી સુવિધાઓ ઉમેરવામાં આવી છે. ગત રોજ એટલે કે 28 મેના રોજ વડાપ્રધાન નરેન્દ્ર મોદી દ્વારા ભારતના નવા સંસદ ભવનનું ઉદ્ઘાટન કરવામાં આવ્યું.

સંસદની આ નવી ઇમારતના નિર્માણ માટે દેશના વિવિધ ભાગોમાંથી સામગ્રી લાવવામાં આવી છે. હરિયાણાના ચરખી દાદરીમાંથી ઉત્પાદિત રેતી અથવા 'એમ-રેતી'નો ઉપયોગ નવા સંસદભવનના નિર્માણ માટે કરવામાં આવ્યો છે. 'એમ રેતી' એ કૃત્રિમ રેતીનું એક સ્વરૂપ છે, જે મોટા કઠણ પથ્થરો અથવા ગ્રેનાઈટને બારીક કણોમાં તોડીને બનાવવામાં આવે છે.

આ તસવીરોમાં તમે જોઈ શકો છો કે આબુ રોડ અને ઉદયપુરના શિલ્પકારો દ્વારા પથ્થરની કોતરણીનું કામ કરવામાં આવ્યું છે અને પથ્થરો રાજસ્થાનના કોટપુતલીથી લાવવામાં આવ્યા છે. સંસદના નિર્માણમાં વપરાતી ફ્લાય એશની ઇંટો હરિયાણા અને ઉત્તર પ્રદેશમાંથી મંગાવવામાં આવી છે.

બ્રાસ વર્ક માટે સામગ્રી અને 'રેડીમેઇડ મોલ્ડ' ગુજરાતમાં અમદાવાદથી લેવામાં આવે છે. આ ઈમારત પરનો પથ્થર 'જાલી' રાજસ્થાનના રાજનગર અને ઉત્તર પ્રદેશના નોઈડામાંથી મંગાવવામાં આવ્યો છે.

અશોકના ચિહ્ન માટેની સામગ્રી મહારાષ્ટ્રના ઔરંગાબાદ અને રાજસ્થાનના જયપુરથી લાવવામાં આવી હતી.