ગોંડલ માર્કેટ યાર્ડમાં કેસર કેરીની એન્ટ્રી થઈ, જાણો 10 કિલોના બોક્સના ભાવ

ગોંડલ માર્કેટ યાર્ડમાં કેસર કેરીની એન્ટ્રી થઈ, જાણો 10 કિલોના બોક્સના ભાવ

કેસર કેરીની આવક

રાજકોટ: ઉનાળાથી શરુઆત સાથે જ કેરી રસિકો તેનુ આતુરતાથી રાહ જોતા હોય છે. ત્યારે હવે રાજકોટ જિલ્લાના ગોંડલ માર્કેટ યાર્ડમાં કેસર કેરીની એન્ટ્રી થઈ ગઈ છે. ઉનાળાના પ્રારંભ સાથે જ ફળ અને શાકભાજી માર્કેટ યાર્ડમાં કેસર કેરી અને રત્નાગીરીની હાફુસ કેરીનું આગમન થયું છે.

ગોંડલ માર્કેટિંગ યાર્ડમાં પ્રથમ દિવસે જ કેસર કેરીના 22 બોકસની આવક સાથે કેરીની સિઝનનો પ્રારંભ થયો છે. ગોંડલના યાર્ડમાં ગીરગઢડા તાલુકાના નિતલી,ગીર કોઠારીયા અને સાવરકુંડલા તાલુકાના વિજપડી ગામેથી કેસર કેરીનું આગમન થયું છે.

કેસર કેરીની હરાજીમાં કેરીના 10 કિલોના બોક્સ ભાવ રૂપિયા 2500/-થી લઈને ઉંચામાં 3100/- સુધીના બોલાયા હતા.

બે ત્રણ દિવસથી યાર્ડમાં રત્નાગિરીની હાફુસ કેરીની આવક સાથે હરાજીમાં રત્નાગિરી કેરીના 12 કિલોના બોક્સનો ભાવ રૂપિયા 5500/- બોલાયો હતો.

માર્કેટ યાર્ડમાં આ વર્ષે કેસર કેરીનું 15 દિવસ વહેલું આગમન જોવા મળ્યું છે. માર્કેટ યાર્ડમાં આગામી સપ્તાહથી જ કેરીની આવકમાં બમ્પર વધારો જોવા મળશે.