Surat Rain: સુરત ગ્રામ્યમાં ધોધમાર વરસાદ, વાવણી લાયક વરસાદથી ધરતીપુત્રો ખુશખુશાલ

Surat Rain: સુરત ગ્રામ્યમાં ધોધમાર વરસાદ, વાવણી લાયક વરસાદથી ધરતીપુત્રો ખુશખુશાલ

સુરત ગ્રામ્યમાં વરસાદ

સુરત: હવામાન વિભાગની ભારે વરસાદની આગાહી વચ્ચે સુરત જિલ્લામાં વરસાદી માહોલ જામ્યો છે. સુરત ગ્રામ્ય વિસ્તારોમાં સવારથી જ ધોધમાર વરસાદ વરસી રહ્યો છે.

સુરત જિલ્લામાં આજે વહેલી સવારથી જ ધોધમાર વરસાદ વરસ્યો છે. સુરત જિલ્લાના તમામ તાલુકાઓમાં આજે વહેલી સવારથી જ વરસાદનું આગમન થયું છે. જિલ્લાના તમામ તાલુકાઓમાં ધોધમાર વરસાદ વરસ્યો છે.

સુરત જિલ્લાના ઓલપાડ, કામરેજ, કડોદરા, પલસાણા, માંડવી, માંગરોળ, ઉમરપાડા તાલુકામાં વરસાદ વરસ્યો છે. પલસાણા તાલુકામાં જિલ્લામાં સૌથી વધુ વરસાદ વરસ્યો છે.

કડોદરા વિસ્તારમાં પણ વહેલી સવારથી વરસાદ વરસી રહ્યો છે. વાવણી લાયક વરસાદને લઈ ધરતીપુત્રો ખુશખુશાલ છે.

રાજ્યમાં એક સાથે બે વરસાદી સિસ્ટમ સક્રિય થતા હવામાન વિભાગ દ્વારા આજે અનેક જિલ્લાઓમાં વરસાદની આગાહી કરવામાં આવી છે.

હવામાન વિભાગે આજે સુરત, નવસારી, તાપી,વલસાડ અને દમણમાં વરસાદની શક્યતા વ્યક્ત કરી છે. આ સિવાય વડોદરા અને ભરુચમાં પણ વરસાદી માહોલનું અનુમાન છે.