Surat માં આસોમાં જામ્યો અષાઢી માહોલ, વરસાદથી વાતાવરણમાં પ્રસરી ઠંડક

Gujarat Weather: ચોમાસાની વિધિવત વિદાય થઇ ગયા બાદ ફરી એકવાર ઠંડરસ્ટ્રોમ એક્ટિવિટીના કારણે દક્ષિણ ગુજરાત સહિત રાજ્યના અનેક વિસ્તારમાં સમાન્ય વરસાદ પડ્યો છે.

સુરતમાં વરસાદ

બંગાળની ખાડીમાં સર્જાયેલા દબાણના પગલે સુરતમાં વરસાદ શરુ થયો છે. ભારે બફારા બાદ વરસાદી ઝાપટાથી વાતાવરણમાં ઠંડક છવાઈ છે.

સુરત શહેરમાં વરસાદના કારણે કામ ધંધા અર્થે બહાર નીકળેલા લોકોએ ફરી રેઇનકોટ પહેરવાની અને છત્રી લેવાની ફરજ પડી છે.

જહાંગીરપુરા, રાંદેર, અડાજણ, પાલ, વેસુ, વરિયાવ, ઓલપાડ સહિતના વિસ્તારમાં વરસાદ પડ્યો છે.

સુરતમાં વરસાદના કારણે વિઝિબિલિટી ઘટી જતાં દિવસે પણ વાહન ચાલકોએ હેડ લાઇટ શરૂ રાખવી પડી હતી. વરસાદના કારણે ઘણી જગ્યાએ પાણી ભરાયા છે.

હવામાન વિભાગના અનુમાન મુજબ ઠંડરસ્ટ્રોમ એક્ટિવિટીના કારણે આગામી 2થી 3 દિવસ રાજ્યમાં સામાન્યથી ભારે વરસાદ થઇ શકે છે.

Continues below advertisement

સુરત જિલ્લાના ઓલપાડ તાલુકામાં આવેલ કદરામાં,ભાદોલ,વરોલી,ઉમરાચી,અરીઠા, બલાવ,કોબા,કંસારા ગામમાં ભારે પવન સાથે વરસાદ છે. જેના કારણે ઉભા પાકને નુકસાન થયું છે.

હવામાન વિભાગની આગાહી પ્રમાણે સૌરાષ્ટ્ર અને કચ્છમાં સામાન્ય વરસાદની આગાહી કરવામાં આવી છે.

સુરતમાં વરસાદી માહોલ જામતા વાતાવરણમાં ઠંડક પ્રસરી ગઇ છે. જિલ્લામાં વરસી રહેલો પાછોતરો વરસાદ ખેતીને પણ ભારે નુકસાન કરી રહ્યોછે.

હવામાન વિભાગે હજુ આગામી 2થી3 દિવસ રાજ્યમાં વરસાદની આગાહી કરી છે.