Vande Bharat Speed: 180 કિલોમીટર પ્રતિ કલાક દોડતી ટ્રેન, જુઓ વંદે ભારતની Inside તસવીરો

ભારતીય રેલવેને મોટી સફળતા મળી છે. દેશની ત્રીજી સેમી-હાઈ સ્પીડ વંદે ભારત ટ્રેને ટ્રાયલ રનમાં તેના જૂના રેકોર્ડ તોડી નાખ્યા છે. આ ટ્રેને ટ્રાયલ રનિંગમાં 180 કિમી પ્રતિ કલાકની સ્પીડ પકડી છે.

વંદેભારત એક્પ્રેસ

Vande Bharat Speed: કોટા-નાગદા વિભાગ પર ટ્રાયલ હાથ ધર્યા છે. આ ટ્રેનમાં 180 કિમીની સ્પીડ હાંસલ કરી છે. આ ટ્રેન 220 કિમી પ્રતિ કલાકની ઝડપે દોડી શકે છે.

ભારતીય રેલવેને મોટી સફળતા મળી છે. દેશની ત્રીજી સેમી-હાઈ સ્પીડ વંદે ભારત ટ્રેને ટ્રાયલ રનમાં તેના જૂના રેકોર્ડ તોડી નાખ્યા છે. આ ટ્રેને ટ્રાયલ રનિંગમાં 180 કિમી પ્રતિ કલાકની સ્પીડ પકડી છે.

રેલવેના જણાવ્યા અનુસાર આ ટ્રેનના તમામ ટ્રાયલ 15 સપ્ટેમ્બર સુધીમાં પૂર્ણ થઈ જશે. પ્રથમ રાઉન્ડમાં તેને મોહાલીથી સાહનેવાલ સુધી 90 કિમી પ્રતિ કલાકથી 120 કિમી પ્રતિ કલાકની ઝડપે ચલાવવામાં આવી હતી. આ પછી કોટા-નાગદા સેક્શન પર તેનો પ્રયાસ કરવામાં આવ્યો છે. આ ટ્રેનમાં 180 કિમીની સ્પીડ હાંસલ કરવામાં આવી હતી. આ ટ્રેન 220 કિમી પ્રતિ કલાકની ઝડપે દોડી શકે છે પરંતુ દેશમાં હજુ સુધી તેનો કોઈ ટ્રેક નથી.

વંદે ભારત ટ્રેનમાં ઓટોમેટિક દરવાજા અને એર કંડિશનર, ચેર કાર કોચ છે. ટ્રેનમાં ખુરશીને 180 ડિગ્રી સુધી ફેરવી શકાય છે.

આ ટ્રેન ઘણી હાઈટેક ટેક્નોલોજીથી સજ્જ છે. જીપીએસ આધારિત માહિતી પ્રણાલી, સીસીટીવી કેમેરા, વેક્યુમ આધારિત બાયો ટોયલેટ પણ સ્થાપિત કરવામાં આવ્યા છે.

આમાં, મુસાફરીમાં તમને લાગતો થાક નહિવત રહેશે. તેની સીટોને આરામદાયક બનાવવાની સાથે તેમાં પાવર બેકઅપ પણ છે. પાવર ફેલ થશે તો પણ ત્રણ કલાક સુધી ટ્રેનમાં પાવર રહેશે.

રેલવે સૂત્રોના જણાવ્યા અનુસાર 74 વંદે ભારત ટ્રેનોનું પ્રોડકશન ઝડપથી ચાલી રહ્યું છે. દર મહિને 2 થી 3 વંદે ભારતનું નિર્માણ કરવામાં આવી રહ્યું છે. બાદમાં ઉત્પાદન 6 થી વધારીને 7 કરવામાં આવશે. આ રીતે આવતા વર્ષ સુધીમાં 75 કે તેથી વધુ ટ્રેનો તૈયાર કરવામાં આવશે.