વૈજ્ઞાનિકોનો ચોંકાવનારો ખુલાસો: આ કારણે પૃથ્વી ૮૦ સે.મી. નમી ગઈ છે, ભારત પર મોટો ખતરો!

આબોહવા અને પૃથ્વીના પરિભ્રમણ પર ગંભીર અસર, પંજાબ હરિયાણામાં સ્થિતિ ચિંતાજનક.

નવી દિલ્હી: વૈજ્ઞાનિકોએ પૃથ્વીના ઝૂકવા પાછળનું ચોંકાવનારો કારણ જાહેર કર્યું છે. આંતરરાષ્ટ્રીય સંશોધકોના તાજેતરના અહેવાલ મુજબ, માનવજાત દ્વારા ભૂગર્ભ જળના બેફામ શોષણને કારણે પૃથ્વી દર વર્ષે ૪.૩૬ સેન્ટિમીટરની ઝડપે પૂર્વ તરફ ઝૂકી રહી છે. છેલ્લા કેટલાક દાયકાઓમાં, આ ઝુકાવ વધીને લગભગ ૮૦ સેન્ટિમીટર સુધી પહોંચી ગયો છે, જે ભારત સહિત વિશ્વભર માટે એક મોટો ખતરો બની રહ્યો છે.

સંશોધન અને તેના તારણો: પ્રતિષ્ઠિત જર્નલ જીઓફિઝિકલ રિસર્ચ લેટર્સ ઓફ AGU (અમેરિકન જીઓફિઝિકલ યુનિયન) માં પ્રકાશિત થયેલા આ સંશોધને પર્યાવરણ અને ખગોળશાસ્ત્ર બંને ક્ષેત્રોમાં ખળભળાટ મચાવ્યો છે.

સિઓલ નેશનલ યુનિવર્સિટીના ભૂ ભૌતિકશાસ્ત્રી વેન સીઓના નેતૃત્વ હેઠળ ૧૯૯૩ થી ૨૦૧૦ દરમિયાન હાથ ધરાયેલા અભ્યાસ મુજબ, માનવજાતે લગભગ ૨,૧૫૦ ગીગાટન ભૂગર્ભ પાણી કાઢ્યું છે. આટલી મોટી માત્રામાં પાણીના નિષ્કર્ષણથી સમુદ્ર સપાટીમાં ૬ મીમીનો વધારો થયો છે.

પૃથ્વીના સંતુલન પર અસર: વૈજ્ઞાનિકો સમજાવે છે કે પૃથ્વીની અંદર હાજર પાણીનું વજન ગ્રહના સંતુલનનો એક અભિન્ન ભાગ છે. જ્યારે આ પાણીને મોટી માત્રામાં બહાર કાઢવામાં આવે છે અને નદીઓ તેમજ સમુદ્રોમાં જાય છે, ત્યારે પૃથ્વીના સમૂહનું વિતરણ અસામાન્ય બને છે, જેના પરિણામે પૃથ્વીનો પરિભ્રમણ ધ્રુવ બદલાઈ જાય છે. આ બદલાવ પૃથ્વીના ઝુકાવ અને પરિભ્રમણ બંનેને પ્રભાવિત કરે છે.

ભારત પર મંડરાતો ખતરો: સંશોધનમાં ખાસ કરીને ઉત્તર પશ્ચિમ ભારત, જેમાં પંજાબ અને હરિયાણાનો સમાવેશ થાય છે, તેવા વિસ્તારોને હાઇલાઇટ કરવામાં આવ્યા છે જ્યાં ભૂગર્ભ પાણીનો સૌથી વધુ ઉપયોગ થાય છે.

ટ્યુબવેલ આધારિત સિંચાઈ અને વધતી વસ્તીને કારણે આ વિસ્તારોમાં ભૂગર્ભજળનું સ્તર ખતરનાક રીતે નીચે ગયું છે. દર વર્ષે ચોમાસાની અનિશ્ચિતતા આ કટોકટીને વધુ ગંભીર બનાવી રહી છે.

ભવિષ્યની ચિંતાઓ: વૈજ્ઞાનિકો ચેતવણી આપે છે કે ભૂગર્ભજળનો વધુ પડતો ઉપયોગ માત્ર પાણીની કટોકટી કે કૃષિ સંકટ પૂરતો સીમિત નથી. તે પૃથ્વીના સંતુલન, આબોહવા, હવામાન ચક્ર અને ભવિષ્યની જીવન ક્ષમતાને પણ ગંભીરપણે અસર કરી શકે છે.

જો આ બાબતે તાત્કાલિક પગલાં લેવામાં નહીં આવે, તો ભવિષ્યમાં માત્ર પાણીની અછત જ નહીં, પરંતુ પૃથ્વીના અસ્તિત્વનું સંકટ પણ ઊભું થઈ શકે છે. માનવજાતને આ ગંભીર પરિણામોથી બચવા માટે જાગૃત થવું અને પાણીના સંરક્ષણ માટે નક્કર પગલાં લેવા અત્યંત જરૂરી છે.