તાઇવાનમાં વિનાશક ભૂકંપ, 7.4ની તીવ્રતાના કારણે બિલ્ડિંગ ધારાશાયી, જુઓ તબાહીની તસવીરો

બુધવારે સવારે તાઇવાનમાં ભૂકંપના જોરદાર આંચકા અનુભવાયા હતા. રોઇટર્સના અહેવાલ અનુસાર, બુધવારે તાઇવાનની રાજધાની તાઇપેઇમાં ભૂકંપના જોરદાર આંચકા અનુભવાયા હતા. તાઈવાનની હવામાન એજન્સીએ જણાવ્યું હતું કે રિક્ટર સ્કેલ પર ભૂકંપની તીવ્રતા 7.4 માપવામાં આવી હતી. ભૂકંપના કારણે ઘણી જગ્યાએ ક્ષતિગ્રસ્ત કાર અને તૂટેલી છતની તસવીરો સામે આવી છે

બુધવારે સવારે તાઇવાનમાં ભૂકંપના જોરદાર આંચકા અનુભવાયા હતા. આ ભૂકંપ એટલો જોરદાર હતો કે દક્ષિણ શહેરની ઘણી ઇમારતો ધરાશાયી થઈ ગઈ. તાઈવાનની હવામાન એજન્સીએ જણાવ્યું હતું કે રિક્ટર સ્કેલ પર ભૂકંપની તીવ્રતા 7.4 માપવામાં આવી હતી. ભૂકંપના કારણે ઘણી જગ્યાએ ક્ષતિગ્રસ્ત કાર અને તૂટેલી છતની તસવીરો સામે આવી છે.

તાઈવાનની ભૂકંપની મોનિટરિંગએજન્સીએ તેની તીવ્રતા 7.2 જણાવી છે, જ્યારે યુએસ જીઓલોજિકલ સર્વેએ તેને 7.4 દર્શાવી છે. તાઇવાનના ભૂકંપ મોનિટરિંગ બ્યુરોના વડા વુ ચિએન-ફૂએ જણાવ્યું હતું કે તેની અસર ચીનના દરિયાકાંઠે આવેલા તાઇવાન-નિયંત્રિત ટાપુ કિનમેન સુધી અનુભવાઈ હતી.

ભૂકંપ એટલો જોરદાર હતો કે ઓછી વસ્તીવાળા હુઆલીનમાં એક પાંચ માળની ઈમારત ખરાબ રીતે ક્ષતિગ્રસ્ત થઈ ગઈ હતી અને તેનો પહેલો માળ સંપૂર્ણપણે ધરાશાયી થઈ ગયો હતો અને બાકીનો ભાગ 45 ડિગ્રીના ખૂણા પર ઝૂકી ગયો હતો. રાજધાની તાઈપેઈમાં ઘણી જૂની ઈમારતો અને કેટલાક નવા ઓફિસ કોમ્પ્લેક્સની ટાઈલ્સ પણ પડી ગઈ હતી.

જાપાનની હવામાન એજન્સીએ જણાવ્યું હતું કે ભૂકંપ આવ્યાની લગભગ 15 મિનિટ પછી યોનાગુની ટાપુના કિનારે 1 ફૂટ ઊંચા મોજા ઉછળ્યા હતા. . જામાએ જણાવ્યું હતું કે મોજા મિયાકો અને યેયામા ટાપુઓનો દરિયો પણ તોફાની બન્યો છે. જાપાન સેલ્ફ-ડિફેન્સ ફોર્સે ઓકિનાવા વિસ્તારની આસપાસ સુનામીની અસર વિશે માહિતી એકત્ર કરવા માટે એરક્રાફ્ટ રવાના કર્યા છે.

ભૂકંપના જોરદાર આંચકાને કારણે હજુ સુધી કોઈના મૃત્યુ કે ઈજા થવાના સમાચાર નથી. જોકે, સોશિયલ મીડિયા પર સામે આવેલા વીડિયોમાં ભૂકંપના કારણે ઘણી જગ્યાએ ભૂસ્ખલન અને ઇમારતો ધરાશાયી થવાના સમાચાર છે.