General Knowledge: શું તમે જાણો છો સેલ્ફી લેતી વખતે દુનિયાભરમાં કેટલા લોકો મૃત્યુ પામે છે?

દર વર્ષે સેલ્ફી લેતી વખતે ઘણા લોકો મૃત્યુ પામે છે. કોઈ ટ્રેનની સામે સેલ્ફી લેતી વખતે જીવ ગુમાવે છે તો કોઈ સેલ્ફી લેતી વખતે વહેતી નદીમાં ડૂબી જાય છે.

2022માં જર્નલ ઑફ ટ્રાવેલ મેડિસિનમાં પ્રકાશિત થયેલા અભ્યાસમાં છેલ્લા 13 વર્ષમાં સેલ્ફી સંબંધિત 379 મૃત્યુ થયા હોવાનું બહાર આવ્યું છે.

તેમાંથી 140 પ્રવાસીઓ એવા હતા જેમણે સેલ્ફી લેવાનો પ્રયાસ કરતા જીવ ગુમાવ્યો હતો. તમને જણાવી દઈએ કે દુનિયામાં સેલ્ફીના કારણે સૌથી વધુ મોત ભારતમાં થાય છે.

વર્લ્ડ ઓફ સ્ટેટિસ્ટિક્સના 2024ના રિપોર્ટ અનુસાર ભારતમાં સેલ્ફીના કારણે 190 લોકોએ જીવ ગુમાવ્યા છે. દેશમાં એવા 55 લોકો છે જેમણે માત્ર સેલ્ફી લેવા માટે પોતાને ગંભીર રીતે ઘાયલ કર્યા છે.

સેલ્ફી લેવાના કારણે મોટાભાગના મૃત્યુ ડૂબવા, પડી જવા, ટ્રેન, હાથી, બંદૂક અને પ્રાણીઓ સાથે સેલ્ફી લેતી વખતે અકસ્માતના કારણે થાય છે. આ પછી ઝડપથી વહેતા પાણી પાસે સેલ્ફી લેતી વખતે પણ ડૂબી જવાથી ઘણા લોકો જીવ ગુમાવે છે.