Mount Everest: આ નેપાળી શેરપાએ 26મી વખત માઉન્ટ એવરેસ્ટ પર વિજય મેળવ્યો, આવું કરનાર વિશ્વનો બીજો વ્યક્તિ બન્યો, જુઓ તસવીરો

46 વર્ષીય પાસંગ દાવા શેરપાએ 8,849-મીટર (29,032 ફૂટ) શિખર પર 26મી ચડાઈ કરી હતી, એમ સરકારી પ્રવાસન અધિકારી બિયાન કોઈરાલાએ જણાવ્યું હતું.

હાઇકિંગ કંપની ઇમેજિન નેપાળ ટ્રેક્સના એક અધિકારીએ જણાવ્યું હતું કે પસાંગ દાવા હંગેરિયન પ્રવાસી સાથે માઉન્ટ એવરેસ્ટ પર પહોંચ્યા હતા.

આવા લોકોને શેરપા કહેવામાં આવે છે, જેઓ તેમના ચડતા કૌશલ્ય માટે જાણીતા છે.

શેરપાઓ મુખ્યત્વે પર્વતોમાં વિદેશી ગ્રાહકોને માર્ગદર્શન આપવાનું કામ કરે છે.

નેપાળે એવરેસ્ટના શિખર પર પહોંચવા ઈચ્છતા વિદેશી ક્લાઈમ્બર્સ માટે આ વર્ષે રેકોર્ડ 467 પરમિટ જારી કરી છે.

દરેક ક્લાઇમ્બરની સાથે સામાન્ય રીતે ઓછામાં ઓછો એક શેરપા ગાઇડ હોય છે.

હિમાલયન ડેટાબેઝ અને નેપાળી સત્તાવાળાઓ અનુસાર, સર એડમન્ડ હિલેરી અને શેરપા તેનઝિંગ નોર્ગેએ 1953માં પ્રથમ વખત ચડાઈ કરી ત્યારથી એવરેસ્ટ 11,000 થી વધુ વખત ચઢવામાં આવ્યું છે, આ પ્રયાસમાં લગભગ 320 લોકો માર્યા ગયા હતા.