પાકિસ્તાનના સ્ટાર ક્રિકેટરને ભારતના જમાઈની લક્ઝુરીયસ કાર ટ્રકમાં ઘૂસી ગઈ, માંડ માંડ બચ્યો ક્રિકેટર

શોએબ મલિક ભારતીય ટેનિસ સ્ટાર સાનિયા મિર્ઝાનો પતિ છે. હાલમાં તેમને એક સંતાન છે.

શોએબ મલિકની કારનું એક્સિડન્ટ થયાનું બહાર આવ્યા બાદ લોકો ફોટોગ્રાફી કરવા લાગ્યા હતા.

શોએબ મલિકની ગણના પાકિસ્તાનના સ્ટાર ઓલરાઉન્ડર પૈકીના એકમાં થાય છે. તેણે 35 ટેસ્ટમાં 1898, 287 વન ડેમાં 7534 અને 116 ટી-20માં 2335 રન બનાવ્યા છે અને અનુક્રમે 32, 158 અને 28 વિકેટ ઝડપી છે.

પાકિસ્તાનની જિયો ન્યૂઝ મુજબ, એક પ્રત્યક્ષદર્શીએ જણાવ્યું કે, ક્રિકેટરની સ્પોર્ટ્સ કાર એનએચપીસી પાસેથી ફૂલ સ્પીડમાં નીકળી ત્યારે કંટ્રોલમાં નહોતી. આ કારણે તે ટ્રકમાં ઘૂસી ગઈ હતી.

લાહોર નેશનલ હાઇ પરફોર્મેંસ સેંટરની પાસે એક રેસ્ટોરંટ નજીક ટ્રક ઉભી હતી. જેની સાથે શોએબ મલિકની સ્પોર્ટ્સ કાર અથડાઈ હતી. સ્પોર્ટ્સ કારનો આગળનો હિસ્સો પૂરી રીતે તૂટી ગયો હતો. આ ઘટના પર હજુ સુધી શોએબ મલિક તરફથી કોઈ નિવેદન જાહેર કરવામાં આવ્યું નથી.

પાકિસ્તાનના ક્રિકેટર શોએબ મલિકનો રવિવારે રાત્રે અકસ્માત થયો હતો. તેની કાર દરિયા કિનારે ઉભેલા ટ્રકમાં ઘૂસી ગઈ હતી. જોકે આ દુર્ઘટનામાં પાકિસ્તાની ક્રિકેટરનો આબાદ બચાવ થયો હતો. જોકે તેની કાર ક્ષતિગ્રસ્ત થઈ હતી.