In Pics: પાકિસ્તાન પહોંચ્યા BCCI અધ્યક્ષ રોજર બિન્ની અને રાજીવ શુક્લા, પીસીબીના અધિકારીઓએ કર્યું સ્વાગત

Roger Binny & Rajeev Shukla: બીસીસીઆઈ પ્રમુખ રોજર બિન્ની સોમવારે પાકિસ્તાન પહોંચ્યા હતા. રાજીવ શુક્લા પણ રોજર બિન્ની સાથે હતા. દરમિયાન પીસીબીના અધિકારીઓએ બંનેનું ઉષ્માભેર સ્વાગત કર્યું હતું.

બીસીસીઆઈ પ્રમુખ રોજર બિન્ની અને રાજીવ શુક્લા પાકિસ્તાન પહોંચી ગયા છે. આ રીતે લગભગ 17 વર્ષ પછી BCCI સાથે સંબંધિત કોઈ અધિકારીએ પાકિસ્તાનની મુલાકાત લીધી.

રોજર બિન્ની અને રાજીવ શુક્લા અટારી-વાઘા પાર કરીને લાહોર પહોંચ્યા હતા. પીસીબીએ એશિયા કપ જોવાનું આમંત્રણ આપ્યું હતું. જે બાદ BCCIના અધિકારીઓ પાકિસ્તાન પહોંચ્યા હતા.

સાથે જ રાજીવ શુક્લાએ કહ્યું હતું કે અમારા પાકિસ્તાન પ્રવાસને રાજકારણ સાથે જોડવું જોઇએ નહીં. આગામી દિવસોમાં ભારત-પાકિસ્તાનના સંબંધો સુધરશે તેવી આશા પણ તેમણે વ્યક્ત કરી હતી.

બીસીસીઆઈના અધિકારીઓના આવવાથી ખુશ પીસીબીના અધ્યક્ષ ઝકા અશરફે આશા વ્યક્ત કરી કે ભારતીય બોર્ડ દ્વારા આમંત્રણ સ્વીકાર્યા બાદ બંને ક્રિકેટ બોર્ડ વચ્ચેના સંબંધો સુધરશે.

છેલ્લી વખત ભારતીય ટીમે 2008માં પાકિસ્તાનનો પ્રવાસ કર્યો હતો. ત્યારથી ભારતીય ટીમ પાકિસ્તાન ગઈ નથી. (તમામ તસવીરો સોશિયલ મીડિયા પરથી લેવામાં આવી છે)