પુણેમાં યશસ્વી જયસવાલે રચ્યો ઈતિહાસ, બનાવ્યો આ ખાસ રેકોર્ડ

Yashasvi Jaiswal IND vs NZ: ભારતે ન્યુઝીલેન્ડ સામે પુણે ટેસ્ટના બીજા દિવસે પ્રથમ ઇનિંગ્સના લંચ બ્રેક સુધી 107 રન બનાવ્યા. ટીમ ઈન્ડિયાની શરૂઆત ખરાબ રહી. તેણે 38 ઓવરમાં 7 વિકેટ ગુમાવી દીધી. આ દરમિયાન ઓપનર યશસ્વી જયસવાલ 30 રન બનાવીને આઉટ થયા. યશસ્વીએ આ મેચમાં એક ખાસ રેકોર્ડ પોતાના નામે કર્યો.

યશસ્વીએ પુણે ટેસ્ટ દરમિયાન એવું કારનામું કર્યું છે જે સચિન તેંડુલકર અને વિરાટ કોહલી પણ નહીં કરી શક્યા. યશસ્વીએ એક કેલેન્ડર વર્ષમાં 1000 ટેસ્ટ રન પૂરા કર્યા છે.

ખાસ વાત એ છે કે યશસ્વી 23 વર્ષની ઉંમર થતા પહેલા એક કેલેન્ડર વર્ષમાં 1000 ટેસ્ટ પૂરા કરનાર પ્રથમ ભારતીય ખેલાડી બની ગયો છે.

યશસ્વીએ પુણે ટેસ્ટની પ્રથમ ઇનિંગ્સમાં 60 બોલનો સામનો કરતા 30 રન બનાવ્યા. આ દરમિયાન તેમણે 4 ચોગ્ગા ફટકાર્યા.

ટીમ ઈન્ડિયાની પુણે ટેસ્ટમાં ખરાબ શરૂઆત થઈ. ભારતે 38 ઓવરમાં 7 વિકેટના નુકસાન સાથે 107 રન બનાવ્યા.

ન્યુઝીલેન્ડે ભારત સામે પ્રથમ ઇનિંગ્સમાં 259 રન બનાવ્યા હતા. આ દરમિયાન રચિન રવીન્દ્રે 65 રનની ઇનિંગ્સ રમી હતી. કોનવેએ 76 રન બનાવ્યા હતા.

ભારત માટે પ્રથમ ઇનિંગ્સમાં યશસ્વી અને શુભમન ગિલે 30 30 રન બનાવ્યા. ઋષભ પંત 18 રન બનાવીને આઉટ થયા.