Photos: આ ક્રિકેટરોના બીજા લગ્ન રહ્યાં સુપરહિટ, પહેલા તુટ્યુ દિલ અને પછી મળ્યો સાચો પ્રેમ

Cricketers Who Married Twice: દુનિયામાં ઘણા એવા ક્રિકેટર્સ છે જેમને તેમના પહેલા લગ્નમાં સાચો પ્રેમ નથી મળી શક્યો, પરંતુ તેમના બીજા લગ્ન સુપરહિટ રહ્યા હતા. ભારતીય ક્રિકેટર દિનેશ કાર્તિકે વર્ષ 2007માં નિકિતા વણઝારા સાથે લગ્ન કર્યા હતા. લગ્નના લગભગ 5 વર્ષ પછી તેમના છૂટાછેડા થઈ ગયા. તમને જણાવી દઈએ કે નિકિતા હવે અન્ય ભારતીય ક્રિકેટર મુરલી વિજય સાથે રિલેશનશિપમાં છે.

દિનેશ કાર્તિકે છૂટાછેડા પછી બીજા વર્ષે ભારતીય સ્ક્વૉશ ખેલાડી દીપિકા પલ્લીકલને ડેટ કરવાનું શરૂ કર્યું. તેઓએ 2015 માં લગ્ન કર્યા હતા અને કપલ ઘણીવાર સોશિયલ મીડિયા પર પ્રેમથી ભરેલી તસવીરો શેર કરતા જોવા મળે છે.

શ્રીલંકાના દિગ્ગજ ક્રિકેટર તિલકરત્ને દિલશાનની પ્રથમ પત્નીનું નામ નિલંકા વિથાનાગે છે. આ સંબંધથી તેમને એક પુત્ર છે, પરંતુ થોડા સમય પછી નિલંકા ઉપુલ થરંગાની નજીક આવવા લાગી, જેના કારણે દિલશાને તેને છૂટાછેડા આપી દીધા.

તિલકરત્ને દિલશાન હવે શ્રીલંકન અભિનેત્રી મંજુલા થિલિની સાથે રિલેશનશિપમાં છે. IPL 2008 દરમિયાન તેમના સંબંધો ખૂબ ચર્ચાનો વિષય બન્યા હતા. થોડા સમય પછી તેમના લગ્ન થઈ ગયા.

પૂર્વ ભારતીય ક્રિકેટર વિનોદ કાંબલીએ પહેલા નોએલા લૂઈસ સાથે લગ્ન કર્યા હતા. નોએલા પુણેની એક હૉટલમાં રિસેપ્શનિસ્ટ તરીકે કામ કરતી હતી. આ સંબંધથી તેમને એક પુત્ર પણ છે, પરંતુ લગ્નના થોડા સમય પછી તેઓ અલગ થઈ ગયા.

વર્ષ 2000માં કાંબલી એન્ડ્રીયા હેવિટની નજીક આવવા લાગ્યો. કાંબલી તો એન્ડ્રીયા સાથે લગ્ન કરવા માટે ખ્રિસ્તી બની ગયો હતો. તેઓએ 2006માં લગ્ન કર્યા હતા.