શ્રીસંતનું આ અભિનેત્રીઓ સાથે અફેર હોવાની ચાલી હતી ચર્ચા

શ્રીસંત આઈપીએલમાં કિંગ્સ ઈલેવન પંજાબ (હવે પંજાબ કિંગ્સ) અને રાજસ્થાન રોયલ્સ માટે ક્રિકેટ રમી ચૂક્યો છે. તેણે ટીમ ઈન્ડિયા માટે 27 ટેસ્ટ, 53 ODI અને 10 T20 મેચ રમી છે. તેણે ટેસ્ટમાં 87, વનડેમાં 75 અને T20 આંતરરાષ્ટ્રીયમાં 7 વિકેટ ઝડપી છે.એસ શ્રીસંતનું કરિયર વિવાદોથી ભરેલુ રહ્યું છે. તેનું નામ બોલિવૂડની 5 અભિનેત્રીઓ સાથે પણ જોડાઇ ચૂક્યું છે.

'હેટ સ્ટોરી 2' ફિલ્મથી કરિયરની શરૂઆત કરનારી સુરવીન ચાવલા અને શ્રીસંતની મુલાકાત 2008માં એક રિયાલિટી શો 'એક ખિલાડી એક હસીના'ના સેટ પર થઈ હતી. 2009માં બંનેનું બ્રેકઅપ થયું હતું.

શ્રીસંત અને રિયા સેનનું નામ પણ જોડાયું હતું. 2011માં બંનેના ઘણા ફોટા વાયરલ થયા હતા. યુવરાજ સિંહ સાથેની મિત્રતા ન બગાડવાને કારણે રિયાએ શ્રીસંતથી દૂર જતી રહી હતી. જોકે યુવી સાથેની મિત્રતા તોડ્યા બાદ રિયાએ ફરી શ્રીસંત સાથે મિત્રતા કરી હતી

બોલિવૂડમાં 'બચના એ હસીનો' અને 'કિડનેપ' જેવી બે મોટી ફિલ્મો કરનાર મિનિષા લાંબાનું નામ પણ શ્રીસંત સાથે જોડાયું હતું. સુરવીન સાથેના બ્રેકઅપ બાદ મિનિષા સાથે શ્રીસંતની મિત્રતા ગાઢ થઈ ગઈ હતી.

શ્રીસંતનું નામ દક્ષિણ ભારતીય ફિલ્મ અભિનેત્રી રાય લક્ષ્મી સાથે પણ જોડાયું હતું. બંને અનેક વખત એકસાથે જોવા મળ્યા હતા. જોકે, આ સંબંધ પણ લાંબો સમય ટકી શક્યો નહીં.

અજય દેવગન સાથે સુપરહિટ ફિલ્મ 'દ્રશ્યમ' કરનાર શ્રીયા સરનનું નામ પણ શ્રીસંત સાથે જોડાઈ ગયું છે. 2008માં બંને ઘણી જગ્યાએ સાથે જોવા મળ્યા હતા. એવા રિપોર્ટ પણ હતા કે બંને જલ્દી લગ્ન કરવા જઈ રહ્યા છે, પરંતુ તેમ થઇ શક્યું નહીં.