IND vs ENG: ઈંગ્લેન્ડ પ્રવાસ માટે રવાના થઈ ટીમ ઈન્ડિયા, જાડેજા-કોહલી જોવા મળ્યા આ રીતે

ભારતીય ક્રિકેટ ટીમ ઈંગ્લેન્ડ પ્રવાસ માટે રવાના થઈ ગઈ છે. ગુરુવારે 16 જૂન ટીમ ઈન્ડિયાના કેટલાક ખેલાડીઓ પહેલા જ રવાના થઈ ગયા છે. પ્રવાસની એકમાત્ર ટેસ્ટ એજબેસ્ટન ખાતે 1 થી 5 જુલાઈ દરમિયાન રમાશે.

આ ટેસ્ટ ગયા વર્ષે રમાયેલી પાંચ ટેસ્ટ મેચની શ્રેણીનો ભાગ હશે. ત્યારબાદ પાંચમી ટેસ્ટ કોરોનાના કારણે થઈ શકી ન હતી. ટીમ ઈન્ડિયા ચાર મેચોની શ્રેણીમાં 2-1થી આગળ છે.

BCCI દ્વારા જાહેર કરવામાં આવેલા ફોટોમાં વિરાટ કોહલી, રવિન્દ્ર જાડેજા, ચેતેશ્વર પુજારા સહિત ટેસ્ટ ટીમમાં સામેલ ઘણા ખેલાડીઓ જોવા મળ્યા હતા.

વિરાટ કોહલી, રોહિત શર્મા અને જસપ્રિત બુમરાહ સહિત કેટલાક ખેલાડીઓને દક્ષિણ આફ્રિકા સામેની શ્રેણી માટે પસંદ કરવામાં આવ્યા ન હતા. તેને આરામ આપવામાં આવ્યો હતો. આ દરમિયાન કોહલી અને રોહિત પરિવાર સાથે રજાઓ ગાળવા વિદેશ ગયા હતા.

કોહલી નવેમ્બર 2019થી ક્રિકેટમાં સદી ફટકારી શક્યો નથી. IPL દરમિયાન પણ તેનું ફોર્મ ખરાબ રહ્યું હતું. આવી સ્થિતિમાં ઘણા પૂર્વ ક્રિકેટરોએ તેને આરામ કરવાનું કહ્યું હતું.

તમામ તસવીર સૌજન્યઃ BCCI ટ્વીટર