IND vs PAK: ટીમ ઇન્ડિયાએ પાકિસ્તાનને 228 રનથી હરાવ્યું, વિરાટ-રાહુલ બાદ કુલદીપનું પણ શાનદાર પ્રદર્શન

Asia Cup 2023: ભારતે પાકિસ્તાનને 228 રનના વિશાળ અંતરથી હરાવ્યું હતું. પાકિસ્તાનને જીતવા માટે 358 રનનો ટાર્ગેટ આપ્યો હતો પરંતુ પાકિસ્તાનની ટીમ 128 રન જ બનાવી શકી હતી. (ફોટો ક્રેડિટ- સોશિયલ મીડિયા)

પાકિસ્તાનના કેપ્ટન બાબર આઝમે ટોસ જીતીને પહેલા બોલિંગ કરવાનો નિર્ણય કર્યો હતો. ટોસ હાર્યા બાદ પ્રથમ બેટિંગ કરવા આવેલી ટીમ ઈન્ડિયાએ 2 વિકેટે 356 રન બનાવ્યા હતા. આ રીતે પાકિસ્તાનને 357 રનનો ટાર્ગેટ મળ્યો હતો. (ફોટો ક્રેડિટ- સોશિયલ મીડિયા)

ભારતીય ઓપનર રોહિત શર્મા અને શુભમન ગીલે 16.4 ઓવરમાં 121 રનની ભાગીદારી કરી હતી. આ પછી વિરાટ કોહલી અને કેએલ રાહુલે શાનદાર સદીની ઇનિંગ્સ રમી હતી. (ફોટો ક્રેડિટ- સોશિયલ મીડિયા)

વિરાટ કોહલીએ 94 બોલમાં અણનમ 122 રન બનાવ્યા હતા. તેણે પોતાની ઇનિંગમાં 9 ફોર અને 3 સિક્સર ફટકારી હતી. જ્યારે કેએલ રાહુલ 106 બોલમાં 111 રન બનાવીને અણનમ પરત ફર્યો હતો. કેએલ રાહુલે પોતાની ઇનિંગમાં 12 ચોગ્ગા અને 2 છગ્ગા ફટકાર્યા હતા. (ફોટો ક્રેડિટ- સોશિયલ મીડિયા)

ભારતના 356 રનના જવાબમાં બેટિંગ કરવા આવેલી પાકિસ્તાની ટીમ સતત વિકેટો ગુમાવતી રહી હતી. પાકિસ્તાન તરફથી કોઈ બેટ્સમેન પચાસ રનના આંકને સ્પર્શી શક્યો નહોતો. પાકિસ્તાનના છ બેટ્સમેન બે આંકડાને પાર કરી શક્યા ન હતા. (ફોટો ક્રેડિટ- સોશિયલ મીડિયા)

ભારત તરફથી કુલદીપ યાદવે સૌથી વધુ 5 વિકેટ લીધી હતી. જ્યારે આ સિવાય જસપ્રીત બુમરાહ, હાર્દિક પંડ્યા અને શાર્દુલ ઠાકુરને 1-1 સફળતા મળી છે. (ફોટો ક્રેડિટ- સોશિયલ મીડિયા)