PHOTOS: ક્રિકેટરમાંથી સિંગર બન્યો આંન્દ્રે રસેલ, આ સુંદર એક્ટ્રેસ સાથે લગાવશે ઠુમકા

Andre Russell New Hindi Song: વેસ્ટ ઈન્ડિઝનો સ્ટાર ઓલરાઉન્ડર જે આઈપીએલ 2024માં કોલકાતા નાઈટ રાઈડર્સ માટે રમી રહ્યો છે, તે હવે ગીત પર ડાન્સ કરતો જોવા મળશે.

આઈપીએલ 2024માં કોલકાતા નાઈટ રાઈડર્સ માટે આન્દ્રે રસેલ શાનદાર બેટિંગ અને બોલિંગ કરી રહ્યો છે. હવે વેસ્ટ ઈન્ડિઝનો સ્ટાર ઓલરાઉન્ડર આઈપીએલ દરમિયાન સિંગર તરીકે જોવા મળશે.

રસેલનું હિન્દી ગીત IPL દરમિયાન રિલીઝ થશે, જેમાં તેની સાથે પ્રખ્યાત ટીવી અભિનેત્રી અવિકા ગૌર જોવા મળશે. અવિકા એ જ અભિનેત્રી છે જેણે પ્રખ્યાત ટીવી શો 'બાલિકા વધૂ'માં 'આનંદી'નું પાત્ર ભજવ્યું હતું.

રસેલના ગીતનું ટાઈટલ 'લડકી તુ કમાલ કી' છે. આ ગીત 9મી મેના રોજ રિલીઝ થશે.

આ ગીતમાં આન્દ્રે રસેલે બોલિવૂડ સિંગર પલક મુચ્છલ સાથે પોતાનો અવાજ આપ્યો છે. મ્યુઝિક વિડિયો પલક મુચ્છલના ભાઈ પાશાલ મુચ્છલ દ્વારા નિર્દેશિત કરવામાં આવ્યો છે, જે કથિત રીતે ભારતીય મહિલા ક્રિકેટર સ્મૃતિ મંધાનાના બોયફ્રેન્ડ છે.

વેસ્ટ ઈન્ડિઝના ક્રિકેટરો ગીત ગાવા અને પાર્ટી કરવા માટે ખૂબ જ પ્રખ્યાત છે.

રસેલની વાત કરીએ તો તેણે IPLની આ સીઝનની 11 મેચમાં 198 રન બનાવ્યા છે અને બોલિંગ દરમિયાન 13 વિકેટ લીધી છે.