Photos: મોંઘા વાહનોના શોખીન છે મહેન્દ્ર સિંહ ધોની, જાણો વાર્ષિક કમાણી, કાર અને બાઇકનું કલેક્શન

ટીમ ઈન્ડિયા અને ચેન્નાઈ સુપર કિંગ્સના પૂર્વ કેપ્ટન મહેન્દ્ર સિંહ ધોનીના વિશ્વભરમાં કરોડો ચાહકો છે. ક્રિકેટ સિવાય ધોનીને લક્ઝરી કાર અને બાઈક રાખવાનો શોખ છે. ધોની આ બાઈક અને કાર સાથે ઘણી વખત જોવા મળ્યો છે.

મહેન્દ્ર સિંહ ધોની વિશ્વના સૌથી સફળ અને અમીર ક્રિકેટરોમાંથી એક છે. તે આંતરરાષ્ટ્રીય ક્રિકેટમાંથી નિવૃત્તિ લીધા પછી પણ કરોડો કમાય છે. તે હાલમાં IPLમાં ચેન્નાઈ તરફથી રમી રહ્યો છે અને ટીમે તેને કરોડો રૂપિયા આપીને જાળવી રાખ્યો હતો.

મહેન્દ્ર સિંહ ધોની લક્ઝરી લાઈફ જીવવા માટે પણ આખી દુનિયામાં જાણીતો છે. ક્રિકેટ સિવાય તે ઘણા પ્રસંગોએ પોતાના શોખ પૂરા કરતા પણ જોવા મળ્યા છે. ધોની પાસે બાઈક અને કારનું શાનદાર કલેક્શન છે.

શું તમે જાણો છો મહેન્દ્ર સિંહ ધોની એક વર્ષમાં કેટલી કમાણી કરે છે? મીડિયા રિપોર્ટ્સ અનુસાર, મહેન્દ્ર સિંહ ધોનીની સંપત્તિ 800 કરોડ રૂપિયાથી વધુ છે. તે જાહેરાત અને ક્રિકેટમાંથી દર વર્ષે લગભગ 50 કરોડની કમાણી કરે છે.

ધોની પાસે રેન્જ રોવર, ઓડી, BMW, મર્સિડીઝ, ટોયોટા, હમર અને મહિન્દ્રા જેવી અનેક લક્ઝરી કારનું કલેક્શન છે જેની કિંમત લાખો રૂપિયા છે. કેટલીક કારની કિંમત બે કરોડ રૂપિયાથી વધુ હોવાનું કહેવાય છે.

ધોનીને બાઇકનો પણ ઘણો શોખ છે અને તેની પાસે એકથી વધુ બાઇક છે. ધોની પાસે બુલેટ, હાયાબુસા, કાવાસાકી નિન્જા, યામાહા આર1, યામાહા થંડરકેટ અને ડુકાટી 1098 જેવી લક્ઝરી બાઇક છે, જેની કિંમત લાખો રૂપિયા છે.